(我真係唔知點算,大家可以幫幫忙嗎...)

我有一個男友, 已經拍拖五年了,

大家都認定對方是結婚對象...

可是...談到結婚,問題就來了.

其實,我自細無咩朋友的...

問題係...我小學,中學時期....都係個好靜的人....

我又唔係乞人憎O個D人....只係靜到比人當係透明的....

同學畢業之後十幾年都無聯絡...

大學我已經算講多左野...又積極左去識人...(總算識左男友)

不過畢業後,各有各忙...都唔會搵大家...

到左而家...出來做野...更加唔想當同事係朋友...

(同D 同事日常返工吹水食飯就OK,但話題只限工作,講少少私人野)

我對朋友的需求唔大...因為我都慣左一個人...

其實我最好的朋友是我男友...

佢都知我O既問題...

我地傾過....結論係....我個人慢熱...太獨立....識落其實份人唔差...只係人緣好弱...

一句講哂...我無朋友...

------------------------------

問題來了...

我結婚...其實真係想好簡單就算...

一來我唔想煩...同埋浪費金錢...

同埋...我想唔到請咩朋友去飲....

我男友呢一方面已經讓步...話唔擺酒都可以...

可惜...佢一定要行教堂...因為佢家庭係信教...令我唔知點算...

其實我尊重佢的, 又尊重佢家庭宗教...

佢同我講過....解釋過....所以我明白佢點解咁重視要行教堂...

呢點我唔會反對...

問題係...真係無人做我姊妹...

我唔想搵D 十幾年都無聯絡的同學呀....

我唔想搵D 幾年唔見, 大學讀書時,大家都只係無咩交心的人做姊妹...

我覺得...咁樣好假...何況...佢地9成9都拒絕....

我又無咩親戚....

大家可唔可以教我點做?

facebook page

姊妹團注意事項 (1)

1. 化妝：新娘子只包姊妹裙，無包化妝，新娘子就以為現今社會下，姊妹們一定有返咁上下手藝，覺得一定會自己化返個靚妝，但係有姊妹居然頭又唔梳，妝又唔化咁黎，超趕客，攪到最後新娘子叫化妝師幫手執一執佢，當然，即場加錢梗係貴D架啦！

2. 遲到：有唔少新娘子住得偏遠，但係就神咁早就叫姊妹去幫手玩game，呢一類遲到case，相信大家都見怪不怪。其實女仔成日遲到，已經唔係咩大事，但係作為新娘子身份既時候，就會好希望姊妹團會準時，唔好攪好全世界等你一個啦！最慘係有好多到左出門時間，人又未見，電話又唔聽，新娘出左門了，先打黎，話依家出門口 =.= 鬧你又唔係，唔鬧你又唔係，真係好影響新娘當日心情！

3. 外套：新娘子以為包左裙，就ok啦，夠曬整齊，影相出黎效果一定好，點知偏偏就係有姊妹鐘意夠特出，曾經試過做姊妹時，天氣有少少凍，5個姊妹入面，只有2個有帶毛毛件；另外3個，一個著黑色皮褸，2個著黑色長外套，全程因為怕凍唔肯除，影出黎當然同無著姊妹裙分別不大。影相出黎，完全無姊姊團感覺啦！

4. 飾物：朋友已經包左姊妹團化妝，理應安心，點知姊妹硬係要標新立異，一個就戴大花花頭箍，另一個帶戴「鮮綠色羽毛耳環」(好大條下)。我見到當時，的確係幾吹脹的，因為佢地兩位姊妹真係幾搶下。你出位了，Win 曬，比個Like你！

5. 鞋：其實點諗，都諗唔到，做新娘子，連姊妹團對鞋，都要幫佢地諗埋？唔係掛……係，係真既，我自己就有朋友，著短既姊妹裙，著黑色Boots 啦，著黑色/鮮色Converse 啦，白色裙襯黑色高跟鞋啦……我問過佢地理由，佢地話，覺得咁樣樣好型……但係一條靚靚香檳金/淺綠色既姊妹裙，點解要咁襯呢？？？你話長裙睇唔到都算啦……點解要咁做呢？真係諗極都諗唔明

1. 無清晰指示：每個新娘子，都有自已既一套，畢竟姊妹們唔係你肚入面條蟲，佢地唔會明白你「最終」想點的。做新娘子既，有責任係婚前開會，一五一十將所有要求同想交帶既事情一次過講得一清二楚，上至Rundown，下至服飾，幾多點放飯等等，係Rundown都要仔細交代，雖然話，好多時開會，姊妹們放左工去開會，總會擺低左個腦唔知係邊，但係無人叫你婚前只開一次會，最少開兩次，總有幾句入到耳的。仲有加上file / rundown 要提早d 比人，唔好婚前1日先send 比人，等大家可以幫下眼幫你執漏。

2. 唔識做：有好多新人話，結婚洗好多錢啊，d姊妹裙唔包，d姊妹化妝又唔包，姊妹開門利是等減D啦……或者，睇緊呢個blog既你，都係咁話，其實，有時唔係錢唔錢既問題，自己將心比己，如果他朝一日，你朋友又係叫你做姊妹，又係咩都唔包，仲叫你自已去買條裙，記得著靚D。開門利是分得百幾蚊，搭的士車錢都唔夠，仲要神早7點起身過黎幫手出門，由朝7做到晚12……你會點諗？？？其實條姊妹裙，只要肯格下價，$200一條有找，姊妹化妝又係$300一個有找，其實5個姊妹的話，加埋係幾多錢？只係$2500 蚊，你諗下，做得姊妹既，知你包咁多野，自然人情都會封返多D 比你啦~ 唔好為左幾百蚊睇唔開，全部姊妹整整齊齊，化到靚靚咁，笑容都多D，人都開朗D啦！幫你，都幫得心甘命抵嘛！

3. 錯選團員：有好多時，姊妹團或兄弟團未必認識，可能只係見過一次半次，有好多都係開會先見過，其實又再一次表演到婚前會議既重要性，有好多時，姊妹團希望玩得勁，但係原來兄弟團唔玩得，大婚當日引起不少爭執。又或者係新娘新郎選擇太多人作為姊妹兄弟團，我見過最誇張既係28人 (可能算少，哈)，14個姊妹加14個兄弟，我真係唔知要擺幾多圍/攪幾大，先需要動用到28人既姊妹兄弟團，其實超過十幾個，已經有好多人都無事可做，都係行行企企，但好多時，新娘見到姊妹們無事可做，又會指責，姊妹們唔夠落力，但係其實只要準備得宜，真係唔洗咁多人幫手，只會愈幫愈忙。

facebook page

轉載請註明來源：今天頭條