無論香港女士性格如何美妙，想嫁人仍要面對其他難題。

「七折港女」、「美心港女」、「500 港女」、「銀聯港女」...一雞死就一雞鳴，廣受網民熱愛的「港女」人才輩出，能人無數，更似每有青出於藍之勢。

最近便又有「快證港女」成功冒起，說的正是到訪日本大阪環球影城哈利波特園區，卻由於男友嫌貴無買快證，要排長龍入場，所以嬲到即刻一個人走咗去（去緊旅行喎!），仲話對多男友一秒都唔得的本地女性。

在網上爆紅的「港女」，通常是網民眼中性格變態難頂的生物，而不少人也習慣把「盛女嫁唔出」歸因於性格有問題。但據相親專家分析，本地盛女嫁唔出其實另有原因，性格問題反而是其次！

以下為你剖析 5 個盛女嫁唔出嘅真正死因：

1) 男多女少

本地適婚年齡（25-50 歲）的女士到底比男士多幾多？答案是約 50 萬，即是假如一個男人只能有一個老婆，而適婚年齡的女士又想找個 25-50 歲的港男做老公（其實唔過份啦），便註定有大約 50 萬人無著落！

2) 土地問題

別怪女士要求高，正所謂男女平等，俾著你要同外父外母住又肯唔肯？可惜樓價高企，細價樓跌極都過萬蚊呎，若非「成功需父幹」，相信在三十歲前付得起首期的才俊沒多少人。「買唔起，租囉？」你女友肯，也恐防佢老豆會話：「咁你想娶我個女……」

3) 外父問題

無樓免問、禮金獅子開大口已經唔計住，因為不少父母自細教女方式已有問題，一味叫個女勤力讀書要乖，唔好學阿 Mary 13 歲搽唇膏 14 歲拍拖，點知阿 Mary 嫁得好好，你畢業後老豆終於「准」你嫁，但你手仔都未拖過，嫁乜？

4) 學歷問題

想嫁唔好讀 Master！近年無 Master 好似唔算有學歷，事實上讀得書亦唔一定無拍拖，但既然碩士畢業，總不會甘於「一事無成」吧？於是你力爭上游，總算撈到高薪厚職，但做多兩年已四字頭，嫁乜？

5) 學歷問題（Upgrade 版）

絕對千萬請勿切忌唔好唔好唔好讀 PhD！男人讀 PhD 可以做港大副校，女人讀 PhD 卻最難嫁得出。點解？只要將碩士畢業生面對的問題乘大幾倍，就係 PhD 嘅慘況。專家教路，其實想再讀上去，結婚生仔後先讀一樣得！

文章來源: https://www.twgreatdaily.com/cat99/node675257

轉載請註明來源：今天頭條