今日2點幾去到觀塘既華嫂冰室，由於新開張既關係，排隊一等等到5點先入座

其後，叫冰花奶茶無，叫米線、雞翼、米粉都無，好不容易叫到一碗蕃茄烏冬，當時要安頓好仔仔飲奶，所以碗野食繼續擺係度。

跟住有兩位嬸嬸要倒垃圾，要我企起身讓俾佢過，混亂之際，後面又有人要過，我一坐低就成碗熱食倒落身。

我即係呱呱大叫，大脾、手都燙傷，為誤延醫，我同丈夫唯有立即搭的士去診所睇醫生，

事後致電負責人，佢既態度甚為囂張，只答我一句：你都係要返醫藥費啫，我員工話無整到你喎

簡直令我火冒三丈，其實你賠返醫藥費俾我又點？我已經burn左，當時係痛到我連個名牌手袋都丟落湯度，依家成個手袋都係蕃茄漬。

我明白新開業係會混亂，但都唔係咁既態度馬虎了事！營業時間不停倒數垃圾又正確嗎？

奉勸大家唔好因為睇到食評就盲中中去！

文章來源: https://www.twgreatdaily.com/cat99/node671479

轉載請註明來源：今天頭條