女子組合FFx﹑黃夏蕙﹑梁思浩及艾美琦等，噚晚喺元朗屏山達德小學，出席有線節目《我們都是這樣撞鬼的》記者會，該小學被選為十大最鬧鬼地方之一。

sugar~baby~FFx~

而FFx得三個成員出席，成員周葆諭（Christy）就因為補課缺席，得番楊澤怡（Shirley）、潘穎琳（Mizaki）及李詩詠（Ceci）出席，不過Mizaki沿路行條斜路去小學時，已經不停喊，記者問佢乜事？佢話：「因為好驚，入唔到佢（間小學）。」不過啲公關同佢講，入咗去先。

但經理人Sam就向公關表示，Mizaki真係唔得，另外兩個成員入去小學，佢同Mizaki留喺小學外面。Mizaki話本身好驚鬼，咁驚點解又嚟？佢話今朝先知，咁問佢咁驚有乜經歷？佢話唔算有乜經歷，只係自己向來細膽。咁點解唔推咗個活動？佢話：「咁又唔得，要團結啲，因為有一個要補課，經理人都知我驚，我都驚會有事。」

佢又話之前有朋友試過朝早嚟間小學，都見到「啲嘢」，所以真係好驚，佢本身冇陰陽眼嗰啲，家人都知佢嚟，畀咗護身符佢，不過都定唔到驚。問佢怕唔怕失場要賠償？佢話呢啲等公司安排。

Mizaki@FFx嚇到爆喊!!

而Mazaki喺外面訪問其間，《我》監製韋嘉華走咗出嚟，鬧爆Mizaki：「你嚟時候都知我哋撞鬼，你0依家先話嚟驚？」之後又催促記者入小學做訪問及採訪儀式，最後要中斷訪問，記者同經理人無奈入咗去，Mizaki冇入到去。

而經理人Sam事後亦同記者Say sorry，又話Mizaki不嬲都驚鬼屋﹑瞓覺日光日白都開燈：「同佢講過今晚有成百人，諗住畀佢試下，如果去到驚的話，到門口唔入去，亦同聯絡製作單位講，有機會入唔到去。」

問到今次有冇酬勞？佢話都有車馬費，咁失場怕唔怕賠償？Sam又話：「其中一個成員要補課冇嚟，Mizaki有嚟到，但入唔到去，我哋唔係為出風頭，冇理由為車馬費迫佢入去，如果係出風頭，入到去爆喊仲好。」講到監製好嬲？Sam再說：「可能思浩佢哋做咗好多準備工夫，又有成百人招魂，所以想記者入去做採訪，應該冇事。」

FFx其餘兩名成員﹑夏蕙姨及艾美琦等，喺校內與百名市民招魂，夏蕙姨話：「入到嚟唔係好舒服，feel到『有人』喺度。」艾美琦就話導演要佢哋除曬啲符及法器：「我同夏蕙姨要去最猛鬼女廁，要望住佢梳頭。」

問到今次係咪酬勞高？夏蕙姨再話：「第二次（拍攝），我就唔驚，想feel下佢哋，現場有成百位參加者，好難得所以要嚟。」

好驚驚… 好驚驚…

轉載請註明來源：今天頭條