19年關係告終 陳國邦千字文宣布離巢 陳國邦,

陳國忽然宣布離開先後效力19年的無綫。

陳國邦微博原文

陳國邦微博原文

陳國邦微博原文

陳國邦微博原文

n

仲話連老婆羅敏莊都唔知佢未來去向。（資料圖片）

而近日陳國邦多以一家三口姿態示人，但未曾透露有離心。（資料圖片）

資深演員陳國邦效力無綫多年，正值傾談續約之際，佢啱啱喺微博發表一封《給無綫電視的公開信》，寫成千字話要離開娘家，佢信中提及自己曾與無綫一離一合：「第一次離開無綫是1993年，當年年輕，在公司只工作了四年，談不上有什（甚）麼不捨之情。今次決定離開，心情大不同了，重返無綫15年了。」

而本身已答允續約的他，又表示有感獲當主角的機會日漸渺茫，成離開的主要原因：「我不想看見自己慢慢的變作一潭死水，變黑發臭，實在不能接受。我要流動......其實我本已答允續約，公司給與（予）的條件亦無異議一如以往，在這15年間，只希望能用自己的能力換取賞識及當主角的機會，結果是讚賞得到不少，而機會卻愈見渺茫。眼見一個又一個藝員同事跑到自己前頭，數年前確曾出現過放棄的念頭！」

現年45歲的陳國邦又話離開無綫之後，唔單老婆羅敏莊、囡囡同朋友都唔知佢去向，連自己都唔知之後會點，佢仲講：「反正有需要我的地方，有我落腳的地方，我便會到那裡（裏）。」

羅敏莊支持老公：我覺得佢唔開心 羅敏莊,

【彭三順做廿年都係第四男主角】羅敏莊支持老公：我覺得佢唔開心

參演港台劇集《火速救兵》

前年9月，陳國邦太太羅敏莊(Mimi)離開無綫，事件觸發點係因為Mimi不滿意無綫在其生B坐月期間，仲call佢「還騷」，搞到佢係咁上《今日VIP》同《都市閒情》還債，但演出劇集機會就少之又少，令Mimi感灰心，決意不續約。

兩年後的10月9日，輪到陳國邦，在極低調情況下，離開合共工作了二十年的無綫。如今身在台灣的陳國邦，於信中未有一句指摘大台之言。做了二十年配角，陳國邦只表示:「演戲就是這樣，用自己的生命去創造角色，然後又透過角色的經歷去改變自己。故思前想後，得出的結論是；難道要去怪別人不給與自己機會？實在有點『多魚』。」

「我不想看見自己慢慢的變作一潭死水，發黑發臭。實在不能接受。我要流動，我要充滿生命。只有我充滿生命力，我的作品才能充滿生命的去感動人、甚或改變人。」陳國邦自言，離開後未知去邊，沒有人會知:「反正有需要我的地方，有我落腳的地方，我便會到那裡。」

Mimi今日接受《蘋果》電話訪問，表示非常支持老公決定﹕「佢都有返嚟同我傾，都係呢排決定，我都覺得佢唔係咁開心，咁不如唔好做囉，無所謂，佢又做舞台劇，又可以教書或者其他嘢。一份工作如果做得唔開心，而你歲數去到某個階段，剩下嚟日子唔係好多，咁與其唔開心，不如去做另外一啲嘢啦。」

Mimi透露陳國邦每年暑期都會去演藝學院教書，而每次做舞台劇(《相約星期二》)都好開心，咁係咪因為拍劇角色重覆又重覆，所以令佢心灰意冷？Mimi笑笑口話﹕「呢啲要問嚇佢嘞。」

可覺得丈夫懷才不遇？Mimi謂﹕「呢個唔係我覺得，係身邊啲人話畀我聽，但我不嬲係佢頭號fans，fans到嫁咗畀佢嘞。」有人會覺得陳國邦「唔識做人」，Mimi就話﹕「我諗佢......唔知呢，究竟點先叫識做人？咁要有人話畀我知點樣先叫識做人嘛，不嬲都冇乜嘢，你知佢不嬲唔出聲，佢發洩都唔係走出嚟大吵大鬧，文藝到寫封信畀大家，你睇佢幾文藝『中青年』。」

王喜留言

與King Sir合演舞台劇《相約星期二》，令陳國邦重拾舞台夢想。 (陳國邦fb圖片)

(陳國邦fb圖片)

(陳國邦fb圖片)

文章來源: https://www.twgreatdaily.com/cat99/node646876

轉載請註明來源：今天頭條