我自己結婚前儲同埋我媽一人一半買大笨象股票，一直都無郁過筆錢，年初，c6既堂姐叫我地可以攞少少錢返大陸投資，咁我見我筆錢喺度咁多年，無乜點賺過，又每月收股票存倉費，咪攞返去投資lor（投資咩野我唔講，雖有風險，但可以賺）

但筆錢攞左返去後，c6佢話筆錢佢都有份，咁你地覺得呢？？我就覺得好唔fair, 筆錢係我辛苦儲落，仲有我媽都有份，我c6就全無儲錢，雖然我無做野，只做份pt仔，佢就覺得呢筆錢係得佢一個人做野而我儲既，所以佢都有份，比c6知道我有私己錢我係咪好傻？？

網友甘講：

話明婚前儲既錢, 分分鐘未識佢已經儲落, 梗係睬佢都傻啦

好仔不論爺田地, 佢連老婆錢都想要埋??

佢估佢份糧真係養起全家, 你冇付出過嗎?? 你冇付出就唔駛返pt啦

我一開始根本唔會俾男家親戚知我有錢

而家無論你點做都係輸家，一係分一半錢俾c6，一係唔分但令佢心中有條刺，男家又知左你有錢，唔知會唔會喉住......

只怪你俾佢知道有錢....

話明私己, 最好唔好俾對方知道, 一經對方知道, 好難再當只係自己's。

如果屋企有事, 經濟唔掂, 要拎出黎放落頭家度, ok, 但如果你hb咁樣講到話自己都有份, 真係好反感。

你個份佢有份都算...媽媽個份要分得清, 同佢講返本身舊錢媽媽佔了多少, 唔係話你就係你架。

你老公咩思想?點會有份

已經拎咗返大陸?

以後自己有錢都要收密d,被發現要講明同媽媽共同擁有

轉載請註明來源：今天頭條