現年40歲的湯盈盈再做媽咪，昨日凌晨順產誕下6磅15安士的次女Kassidy。錢嘉樂、錢小豪、曾志偉、梁靖琪（Toby）等昨日在尖沙嘴出席活動，嘉樂透露有入產房陪老婆生B兼剪臍帶，大讚細女好聽話，由陣痛到出世只需一小時十七分鐘，減少媽咪痛楚。問英文名由誰改？他搞笑謂：「如果系我改叫阿A阿B。爺爺改咗六個中文名，諗緊使唔使跟個『凱』字。」

問到嘉樂會否追仔？他說：「等太太決定，暫時覺得應該停一停先，加埋菲傭姐姐，有四條女喺屋企好嘈。」覺得細女似邊個？嘉樂笑言：「我就梗系話似我，盈盈話如果今胎唔似佢，佢就發爛渣，所以就似佢囉。」他承諾送樓送鑽石乜都得。

活動後，嘉樂帶同大女凱晴與Toby去醫院，凱晴拎住米妮公仔向記者揮手，問到見妹妹緊張嗎？凱晴搖頭，會否錫妹妹？她也是搖頭，十分怕羞。Toby謂會跟Kassidy上契，她說：「我契咗佢哋第一個女，今次都會契埋，Kassidy個名都系我同Margaret（鍾麗淇）一齊諗，盈盈鍾意個發音。」問B女似邊個？她說：「未收水答唔到，但B女好似系有雙眼皮，佢個樣每日都變，要睇定先。」而11月預產期的Margaret中午獨自駕車到醫院探望。

盈盈忍痛落床

晚上近8時，嘉樂抱住囡囡及親友一同離開，他透露大女因流鼻水，所以沒有錫妹妹。問家姐有沒有呷醋？嘉樂說：「暫時未發現到，我哋代妹妹送咗份禮物畀家姐，家姐都好受落，望一望妹妹就揀咗份禮物。」他表示盈盈胃口好好，還親自餵奶，他說：「我越嚟越佩服佢，好痛都自己下車同上落床。」

另外，再做伯父的錢小豪則爆細佬好緊張，問小侄女似邊個？他說：「似邊個唔緊要，嘉樂同盈盈都系靚仔靚女。」被錢嘉樂叫「阿爸」的志偉表現興奮說：「我身為阿爺一定送禮，今日嚟到好多人恭喜我多咗個孫。」有沒有秘訣教盈樂追個仔？志偉說：「畀佢唞嚇先，一次湊三個好辛苦。」堪輿學家區仲德則指Kassidy是一個聰明伶俐，兼有幫父幫夫運的女孩。

採訪：譚倩宜、黃曉程

轉載請註明來源：今天頭條