在以往首日 iPhone 首日炒起 5-7 K 實在誇張。不過今次 iPhone 6 Plus 個個都看淡以為蝕錢，怎料昨日華強開盤仍有不少水位，今日先達終於有店主放風出回收價， 先前大熱的 64GB 「大玫」竟得千六蚊水位；而 128GB 反為有 $1,912 執，以往死貨多的 128GB 今次反為被看好，莫非因為 4K 片 + Live Photo 的威力 ? 而 16gb 的非玫瑰細機一直被看成是死亡之物，但其實都唔使蝕，都有百幾蚊執..

iP6s炒燶？ 先達Lo哥轉口風：會有跌價潮

依家炒iPhone 6s‎最熱門嘅話題，已經唔係「有幾多水位」，而係「cut唔cut單好」，事關上星期六預訂當天香港開訂30分鐘已斷貨，反而大陸幾乎「無限量供應」，不少炒家利用郵寄方式預訂iPhone，如果出了貨才「反口唔要」，就要繳交15%退貨費用，個個炒家擔驚受怕，到底好唔好「驚蝕離場」?

之前對新iPhone前景相當看好的先達Lo哥，坦言「今次真係好難玩」：「第一批貨，至到10月3日都應該仲有得炒嘅，之後嗰啲真係唔知！」對於網上有傳言大機plus大陸出貨不多，仲有得炒，但細機仲應cut單，Lo哥就指：「細有細嘅好，講到尾都係用家主導，有啲人鐘意細機，所以話唔埋。」憑Lo哥語調看來，今次真係要小心！

至於不少用家都反映成功預訂iPhone 6s‎後，收不到確認電郵，有網民更反應若25日親身拎到機，就想將較後的郵寄訂單取消。但「壹仔」多次致電apple門市，但職員就指他們沒有顧客名單，要打去Apple store 專線才可確認，但專線近兩日都無法接通，她就解釋要開賣前一日才「有機會」有名單，如果之前郵寄登記就要「博一鋪」。今次iPhone 6s‎一役，可說是炒家用家「雙輸」！

文章來源: https://www.twgreatdaily.com/cat99/node615954

轉載請註明來源：今天頭條