網絡界有句名言：「寧得罪拉登，莫得罪高登。」原來係真架！上星期日有位高登巴打發表「大家點睇梁烈唯，唯唯？」帖文，更指唯唯「好似越（愈）來越受歡 迎」，引起高登巴打熱烈負評，在短短一日之間，創下逾6,000負評驚人奇蹟！直到星期五（11日），更錄得超過14,700個負評，改寫高登「負皮王」 （即負評王）紀錄，讚好不足200個。
力數高登「負皮王」，除了新鮮出爐的梁烈唯之外，數年前還有卓韻芝、羅鈞滿等人，到底佢哋衰啲乜？
【梁烈唯】
佢衰啲乜：上星期中國抗勝70周年紀念日，一眾明星藝人在微博向老兵敬禮，其中梁烈唯亦有上載敬禮照片，被香港網民話「擦鞋」，又指他經常在鏡頭面前「扮型」、「Chok樣」、「講嘢慢勁寸」，獲網民一致同意。
而家係點：繼續成為高登仔狙擊對象，相信有佢嘅貼文都會負評。
【卓韻芝】
佢衰啲乜：2012年，有高登仔發表「卓韻芝扮蒼井空」帖文，內容引述傳媒報道，指卓韻芝在英國讀書時，男同學以為她 是蒼井空，結果獲超過2,800個負評。事隔一個月，卓韻芝接受另一傳媒專訪表示「自言唔識做玉女，只可以做靚女」，再獲6,200個負評。不過，近年高 登仔上載卓韻芝的生活相片，大多數會獲得正評。
而家係點：上月有顧問公司向城規會建議，取消中環電車路段一事，她於其個人facebook專頁撰寫一篇《如果電車毫無意義，孝順也沒有意義》文章，並且上載與婆婆乘搭電車的相片，獲逾二萬人讚好。
【BIGBANG成員 - G-Dragon】
佢衰啲乜：雖然BIGBANG紅遍亞洲，但至今仍未打動到高登仔個心。兩年前有會員發表「覺得G-Dragon樣衰嘅請正評」帖子，最終有超過5,300個正評，換言之，即係有5,300個G-Dragon嘅負評囉！
而家係點：早前G-Dragon與同隊成員太陽擔任韓國某綜藝節目的嘉賓。今個月尾BIGBANG將會到台北舉行演唱會，下月再飛到美洲等地繼續開Concert。
【羅鈞滿】
佢衰啲乜：2013年，電視台藝人羅鈞滿就港視不獲批免費電視牌照一事上，在facebook發表個人意見，認為王維基「勿將自己商業失敗跟社會公義拉上關係」，網民直斥他「幫電視台擦鞋」，其後他多次為言論解畫，卻未被網民接受，每逢有佢嘅Post，都獲一致負評。
而家係點：近年羅鈞滿是非多多，形象受損，高登仔已經懶得評論。
【杜如風】
佢衰啲乜：今年年初，杜如風為免費台拍攝旅遊節目，有高登仔發帖「杜如風真係好靚女，話佢係港版千頌依一啲都唔過份」，結果招來數百個負評。
而家係點：杜如風在網民印象一向好壞參半，不過今年七月她主持的旅遊節目《東京攻略》，平均收視依然達21至22點。
藝人言論或一舉一動，容易引起網民熱話，稍一不慎隨時弄得形象插水，連影到冇埋，亦有人逢反必紅，例如憑演出多齣電視劇成功入屋的張繼聰、北上拍劇走紅的陳偉霆，所以梁烈唯唔使灰心，好快輪到你架喇！
轉載請註明來源：今天頭條