麥明詩同龐卓欣手拖手？唔係不和架咩？喂！流料嚟架？港姐冠軍加冕，梗係有請小鳳姐，但之後竟然冇人祝賀，今屆香港小姐都可算經典喇！

鬼死咁肉酸，樂大媽即時出口訓示，搞到龐卓欣都知驚，31號晚喺灣仔食飯，都要預埋麥明詩，仲做曬戲咁，玩姊妹情深。

龐卓欣玩杯葛 無綫不滿即照肺

除咗港姐冠軍麥明詩多新聞，亞軍龐卓欣同樣是非多多，唔止爛蒲攬仔出曬事，喺總決賽夾埋季軍郭嘉文當麥明詩透明， 即時激嬲樂大媽同方丈余詠珊啊！

參選港姐期間，龐卓欣擺明車馬唔妥麥明詩，Instagram亦唔會post同對方合照，有你冇我，勢不兩立。

玩小圈子之餘，更被爆bikini咀仔、瘋狂夜蒲、夜蒲、再夜蒲，玩到又癲又喪，破壞曬港姐形象，無綫兩位大媽已經相當不滿。

點知一波未平，一波又起，港姐總決賽加冕一刻，龐卓欣同季軍郭嘉文聯手無視麥明詩；其後會見傳媒，四位得獎佳麗亦貌合神離，唔知搞乜鬼，小器之餘，真係好「小學雞」。

轉載請註明來源：今天頭條