今時今日港女有幾抗拒港男？相信唔使多講，網上經常有唔少絲打開po狂數港男n宗罪，加埋之前蘭桂坊洋腸David喺香港獵食港女輕鬆K.O.港男，勝負已分。不過最近喺港女心目中，港男已經差到去臨界點︰「不用說歐美澳紐新男士了，國內男士都比香港男士好多了！」

有巴打近日喺討論區以「外國的月亮特別圓，大陸的香腸特別香」為題開po，share佢facebook其中一位女性朋友對港男慨睇法。據巴打講，佢呢位朋友踩到港男一文不值，港女話︰「香港男士怎樣呢？沒有增值！包括外型、生活圈子、世面、事業、能力、思維！」佢仲話港男「死充死撐死要面但什麼也不會」以及「月入十幾至二十幾K(萬幾至2萬幾蚊)卻要在商場餐廳吃！」

相反港女覺得外藉男系「知恥近乎勇」兼「率真可愛」，仲話︰「明明月入八萬十萬也可以站在街上身穿上班服咬數十元的SUBWAY、大大PAZZIA(pizza)！」所以呢位港女話自己8年無同港男拍拖喎，仲話幾乎個個港男都系奇怪到核爆，仲話識唔到外藉男都唔會搵港男拍拖，寧願搵「內地精英」。

睇完呢位港女慨「偉論」，雖然唔知點解佢對港男咁大仇口，或者系咪遇到不快經歷，不過佢咁講自然被一班巴打留言插爆啦，話高攀唔起呢位港女，仲寸港女月入萬幾2萬蚊唔可以去商場餐廳用膳慨言論不知所謂添。

轉載請註明來源：今天頭條