點解去睇戲永遠咁多層出不窮嘅搞笑嘢嘅喂？梗係啦，個場熄曬燈黑媽媽，人人嘅防備心警戒心瞬間跌到低位，咁咪多咗好多開燈睇唔到嘅歡樂囉！好似紙上性事咁，有次睇睇嚇戲無啦啦Feel到隻手好痕，嗰時咁啱播緊好黑嘅場面，所以佢除低3D眼鏡哄埋個頭去睇嚇咩嘢：「Hi那星

！原來有隻小強喺我隻手度爬緊，咁我就九秒九『發』開隻手『發』走隻曱甴！之後唔夠幾秒前排幾條女尖叫起嚟，我就心知不妙嗱嗱臨戴番眼鏡扮專心睇戲

！」 比著係日光日白，邊得嚟咁瀟灑，可以揮一揮衣袖不帶走一片雲彩吖！我唔腩膠亦試過咁樣陷害咗人：「睇戲睇到喊，跟住見到前面個男人喊到攬住女朋友，我忍唔到笑，勁大聲噴咗啲口水同鼻涕去前面個男人個頭度！」蝦你波平如鏡老豆嘅經歷重爆：「佢自己一個去睇戲，睇睇嚇隔離個男人無啦啦摸我阿爸大髀

，我阿爸即刻鬧佢：『摸夠未呀Hi Hi ！再摸信唔信打拎Seven你

！』最後嗰個男人一睇完戲即刻雞咁腳走

。」聽完都唔知邊個慘啲喇唉！大家睇戲又試過因咩事笑到嘴都爆呢？入Post分享嚇喇喂！

轉載請註明來源：今天頭條