我係一個就到三十歲既男仔, 正常一個三十歲既男人都起碼會有二萬蚊人工, 準備緊踏入一個充滿希望既生活階段, 但我唔係....我係一個得萬一蚊鬆少少既辦公室助理, 住公屋, 無車無樓無希望, 勝在有個女朋友, 由中學拍拖拍到而家, 都起碼十年...頭5年都係開開心心咁過既, 可能因為大家都係在學階段, 唔會有錢銀問題爭執...但呢2-3年起埋一齊, 係講多左未來既事...例如:買車,買樓,有BB等等..呢一啲野我都唔想傾, 我個人係比較隨緣..見步行步個類人, 洗乜咁急去計劃將來...但正正因為咁, 我女朋友就同我呢排嘈得好勁, 我仲記得佢講既每一句每一字, 句句都係衝住我而黎

佢:人地CHERRY已經今年結婚啦, 佢男友仲揀埋樓準備兩個人去住啦, 你呢?

佢: 究竟你想唔想同我過下半世架? 我要求唔高, 我剩係想要同你兩個人住, 西環天后太古乜都好...我係想要一個單位去為我地將來諗諗...

佢: 點解你做極既工都係得萬零蚊? 我都高過你啦

佢: 你知唔知你好唔成熟? 成世人都玩玩下, 錢又唔儲下, 你玩埋下半世啦, 我唔想再陪你玩, 你已經曬左我十年

我中間一句都冇應過佢, 但呢個女人我真係睇得好清楚

性格: 貪錢,恨有樓, 用人工黎騎住我, 勢利

但我仍然好愛佢. 十年感情唔係惹少

佢好堅決要離開....我無論攬實佢, 拖住佢..望住佢都冇補於事

我上黎係想訴下苦, 平時都係睇呢個區既感情事多..

估唔到自己都要分享講出自己心事......

我呢幾日都有搵返佢, 但佢都冇理我...甚至whatsapp都ban埋我

網友留言：

「其實我覺得女方諗野正常, 女仔人家都係想同自己愛既男人組織家庭, 結婚同生BB,

而生BB, 結婚的確又要用好多$, 佢已經對住屋方面冇所謂, 其實去抽下居屋OR租下D村屋住都已經OK囉..

加上男士, 係應該事業為重啊, 我舊公司位男同事, 22歲就已經諗點樣搵多D,

學人投資, 諗定買樓啦.....

不過人各有志, 你同佢係計劃方面咁唔同, 可能分開下係好事, OR樓主你搵一個

志同道合的吧」

-----後續回應-----

有人係個度話我似好幼稚既洪永城

我唔知呢一刻好嬲定好笑好.....

點解我唔可以平淡過生活?乜做香港人要不斷爬上去架咩?

來源：http://www.discuss.com.hk/viewthread.php?tid=22537837&page=1&authorid=224632

（圖片來源：evchk.wikia.com ）

轉載請註明來源：今天頭條