有線節目《怪談•大逆北道》慨主持包括梁思浩、李曼筠（Maggie）及陳皓雲，今日就坐住靈車去到旺角鬧巿宣傳，Maggie表示早前到四川一個亂葬崗拍攝嗰時，突然半邊面癱同手腳抽搐，Maggie話:「好彩當時工作人員即刻抬我走，之後就冇事。」今日邀請堪輿師傅即場為穿上低胸背心慨Maggie洒水凈身。

梁思浩話數月前遇上比《怪談》更恐怖慨事，就系幾個月前遇到騙徒，困擾咗佢3個月，事件令到佢唔可以同隨攝影隊去到內地拍攝外景，思浩話:「3個月前有人冒我個名告上法庭，告某人冇交稅，由於冇咁慨事，要我打電話去解釋，我交咗俾律師處理，公司註冊處出咗封信叫我報警，騙徒主要想騙取資料，最終我冇損失，系花咗啲律師費。」

轉載請註明來源：今天頭條