真系有啲唔開心，話我bitch個fr叫阿A , 識咗幾年。

尋日同佢食飯，佢話我哋另一個fr阿B下年結婚，遲啲會派帖畀我哋。

我聽完真系O曬嘴，阿B條仔個樣好似阿Bob, 冇錯！系光頭阿Bob, 勁肉酸！重要佢冇阿Bob 咁有錢，只系一個水電工(我都唔知水定電，定兩樣都系), 呢啲真系唔知佢搵到幾多錢，有冇一萬銀呢？

之前聚會見過阿B, 都聽過佢話plan結婚，估唔到佢系認真！阿B當時重好自豪話將來屋企有咩壞可以搵條仔整，慳唔少。。。我心諗佢真系痴線架，整呢啲花得幾多錢丫，不如搵條有錢啲慨好過啦！

而且我都唔明佢自豪啲乜，老公系水電工喎，咁低下慨職業有咩值得自豪，到擺酒嗰日都唔慌會有幾大場面啦，著起龍袍唔似太子，唔明佢做咩要擺酒出醜人前？

我同阿A講我慨睇法，同埋講明唔打算去飲啦，我唔想親眼見個fr行呢條黑路，真系好心酸，因為阿b都幾靚女架，大家都系女人，真系覺得佢好傻！點知講完，阿A無啦啦話：其實你都幾bitch, 你講呢啲嘢好難聽。

嗰下真系呆咗，最慘我口才唔夠阿a好，又拗佢唔掂！喂，我系當阿B系fr, 先講呢啲啫，唔當佢系fr慨，佢嫁咩垃圾都唔關我事啦！如果講忠言，有惻隱之心都叫bitch, 咁我認囉！我系bitch都好過啲人望住個fr嫁垃圾重笑笑口去飲，諗起都心寒！

————————

網友開PO：

bitch 你知唔知水電賺幾錢一日

如果有D 快手 三日度 1萬以上 換電箱4500 每個位 650起

換電箱加十五個位 3日做完

bitch 其實你本身自己萬度一個月 無人要 日日系度講八婆野 晚晚 同支 成人玩具膠玩 其實我真系好同情你

————————

後續：

好多人話我唔啱，咁可能好似某啲ching師姐講，有啲嘢個心諗唔緊要，唔好咁直率講出嚟，又或者我表達得唔好。

今晚打返畀阿A,我同佢講我唔系咁意思，只系有啲心痛。

其實阿B情路一直都唔好，遇過好多衰男人，打佢慨叫雞慨，我覺得佢而家系是但搵一個。

水電工同阿媽住公屋，佢系單親家庭，阿B由細到大都小康之家住私樓；之前都聽阿B講將來嫁咗，要搬入間公屋，同水電工阿媽一齊住，而水電工一向好聽佢阿媽話。我唔知水電工收入點，我以此推論佢收入一般；再講，水電工個樣好唔正派，成日望人慨眼神都好鹹濕，我覺得就咁嫁咗好浪費阿B ; 唔系話要大富大貴，佢遇過咁多衰男人，唔通個天唔可以畀佢一個好啲慨？？點解唔再等下？

之後同阿A講返，佢叫我點都去飲啦，一場姐妹，咁都系慨。。。

有ching師姐話我妒忌，我想講我而家系冇拍拖，我覺得如果未搵得啱，就唔好拍，唔需要委屈自己。

來源：http://www.discuss.com.hk/viewthread.php?tid=25003771

轉載請註明來源：今天頭條