【小心提防】師奶圈自製暗黑蒜頭熱潮

年輕人有年輕人嘅潮流，老母們亦有屬於佢哋自己嘅潮流！而家佢哋興啲乜？咪就係整黑蒜囉！本身黑蒜呢種食品冇乜問題嘅，可惜衰就衰在可以自己製造出嚟，亦令巴打掟阿媽出火車開咗個Post「屋企人整黑蒜真係好拎慘」同巴絲狂呻：「好拎臭呀Hi

！成間屋都係陣味！連啲衫都有味！啲袋攞出街一開成陣味攻出嚟！傻的嗎9！」唔講唔知，受害嘅唔只佢一個，根據巴絲提供嘅資料，班師奶有乜好嘢荀嘢最鍾意一傳十、十傳百，黑蒜呢啲正嘢嘅做法一早喺圍內傳開曬，好多屋企已經淪陷！

森美★SAMMY分享佢屋企嘅情況，聽落最陰公：「Hi，講起就扯火，整黑蒜整成一百日

，一出廳臭到成個人好唔舒服

。就嚟整完第一轉之前，叫咗老母唔好再整，佢亦應承咗

！一整完，我老豆即刻整第二轉！嬲拎到我想倒啲蒜頭落街

！」有咩慘得過阿媽整黑蒜？就係老豆又整埋一份囉！自製黑蒜威力認真無比，性殿騎士表示：「我啲鞋……我啲衫……我嘅一切都畀黑蒜污染了

……」隔住個Mon都感覺到佢嗰種絕望呀！大家嘅屋企又有冇經歷過黑蒜嘅洗禮？

轉載請註明來源：今天頭條