齋唱歌求婚唔驚喜又冇心思，最緊要係冇得曬丫嘛，好心學嚇人哋啦！

尋日（8月1日）維港上空有電影先會出現嘅一幕，俾我係傳說中嘅「Stephanie BB」，真係我都講「I do」；不過要見Stephanie BB呢，就唔駛聽傳說嘅，呢個就係浪漫維港求婚記嘅女主角Stephanie。

據知佢同男友Victor都係喺和記環球電訊工作，佢男友為咗呢次萬無一失嘅「求婚騷」，花咗一個月時間籌備之外，仲特登book咗環球貿易廣場麗思卡爾頓酒店一個對海嘅角落，準備1.5卡求婚鑽戒，最緊要當然係冇咗佢唔成事嘅示愛直升機。

前前後後足足花成40萬嚟炮製呢次浪漫求婚，令女友當場喊出嚟…係喜悅嘅眼淚咋！

雖然男方就聲稱女朋友怕醜，要個私人地方求婚，但同時又唔要悶到爆嘅求婚方式，港女真係難服侍，使40萬求個婚，唔知大家又覺得值唔值呢？

片在此

轉載請註明來源：今天頭條