[2015.07.28 暑假番工帶Camp] 今次要帶班想選學生會嘅學生去camp做training，尋晚開飯果陣我都醒嫁喇企定大飯碗教佢地點樣裝飯(因為實有啲人未裝過飯，上年有啲小朋友裝到碗一半地一半，無計啦，屋企唔教咪阿sir教囉) 點知去到最尾有個女仔唔肯自己裝飯，話極唔聽，佢話阿媽教落裝飯係工人做唔係自己做喎。

本來諗住叫佢班主任打去同佢阿媽講，但佢果檯有學生話唔用公筷，又有個小朋友用自己隻匙食完飯用嚟潷湯飲，情況混亂，又係我做烈士時間。

我："你好，xxx 中學戴sir，小朋友咪入左camp嘅"

媽："係丫阿sir，點丫而家食飯時間喎，係咪啲飯餸唔岩佢胃口，係嘅話我可以call外賣去你度喎，佢鐘意食傻蛋漢堡丫"

(傻蛋嗎丫唔係傻的嗎？)

我："唔係呢樣野"

媽："阿sir如果佢唔食飯真係要叫外賣丫，佢無帶杯麵入去丫因為個袋擺左塞滿曬訓覺攬果啲公仔"

我："飯餸ok嘅放心，我想講呢小朋友係想選學生會所以入camp接受訓練，有樣野媽咪你之前教落佢，係屋企食飯就工人幫手裝飯，可唔可以暫時擱置呢個做法呢？"

媽："當然可以啦，去camp冇工人嫁嘛，叫校工囉"

我："冇校工嫁喎呢度"

媽："飯堂職員呢？"

我："佢地唔會做呢啲野"

媽："咁其他同學仔呢？俾啲男仔幫我女裝飯佢地執到啦"

我："其實。。。"

媽："係喎果班友有幾個毒男勁多暗瘡，陣間傳染我女，都係唔好，阿sir你嚟啦。"

(我想答我都有暗瘡丫，全場老師學生飯堂職員都有暗瘡睇你點覆，岩岩佢班主任過左嚟示意話等佢接番嚟講)

其他同事都知呢件事

同事：我認為由佢個女食餸唔食飯，佢餓起上嚟自然會去裝飯啦。中四升中五仲咁公主病真係要教訓下！

班主任：想俾人投訴餓親個小朋友咩？又唔係你做班主任你真口響。

食完飯之後，學生要執番啲碗碗碟碟去啲車仔度，當然果位妹妹又係撬埋雙手~

fb page

轉載請註明來源：今天頭條