無線電視奪得到六合彩同下季賽馬既播映權。聽到既時候都心諗正常，鬼叫亞視就執咩。但係之後佢就話，六合彩同下季賽馬將會係J2中播出。聽完之後，心中同口中都粗口橫飛！你老味，係J2到播！？

其實話要係J2到播六合彩同賽馬都唔係一朝一夕既事。在我個人而言，我覺得播六合彩都冇乜大問題，頂多咪播幾分鐘。但係播賽馬，咁就真係影響得好嚴重啦。佢既影響可以分為以下兩項：年齡層面以及對J2既影響。

先講第一項，年齡層面。根據維基百科，J2係一條為年輕人而設既頻道。以下內容節錄自維基。「J2是一條集合時尚、潮流、活力的大眾化綜合娛樂頻道，目標是成為一條充滿活力的電視頻道，並補足翡翠台的節目定位，播放一些以青年觀眾群為主、不適合在翡翠台作主流播放的電視節目。節目類型包括綜合娛樂、生活潮流、旅遊、音樂、電視劇及動畫，其中以外購電視劇與日本動畫較受關注。」對我來講，賽馬並不符合以上任何一個種類。再者，雖然冇實質數據，但係我相信大部份賭馬既都係上咗年紀既人士，J2本係為後生仔而設，試問又點會適合係J2到播。另外，實馬本為賭博事業，係J2到播，會唔會係變相鼓勵年輕人賭博呢？依一切都有待思考。

第二項，對J2既影響。賽馬同世界女排大獎賽唔一樣，世界女排大獎賽只會播一個星期左右，對J2既節目表都係影響一個星期左右。相反，賽馬一播就係播一個賽季，對J2既節目表影響一影就影足幾個月。本身J2播動畫既次數已經有下降既趨勢，到時一個星期J2仲可以播到幾多次動畫。除咗動畫，仲有各式既綜合節目同劇集，一旦播咗賽馬，仲點可以有充足既時候播以上既節目。

其實如果tvb要播賽馬，大可以係明珠台到播，又或者係創立一條新既頻道去播。一來唔會影響到現有頻道，二來又可以播到你要播既野。但願tvb可以接納本人既意見。

轉載請註明來源：今天頭條