搭巴士人多擠迫，少不免會碰碰撞撞，但若作出自私行為，除引人側目、犯眾憎外，更隨時成為「網絡紅人」，最近就有人被網民封為天下第一巴士阿嬸！社交網站fb群組「迴光返照」分享了一段題為「搭巴士遇到啲咁無理嘅女人『飛象過河』」的短片，引述拍片者Mandy Ng稱，上車坐下沒多久，坐對面座的阿姐雙腳便「飛象過河」，搞到她無法將雙腳伸直些少，「叫佢縮返去，佢竟然叫人坐第二邊」，批評該阿姐可惡及自私。

該短片全長41秒，當中可見巴士阿嬸身穿短裙黑絲襪，雙腿直伸過對面座位，攔住4人對座的出入口，更全程在搽潤手霜，懶理對面座位女乘客，女乘客唯有稱：「唔想整親你，不如你伸過少少」，巴士阿嬸卻擰頭答：「咁你坐過嗰邊喇」，之後女乘客再指著巴士阿嬸雙腿說：「你咁樣我坐唔到O架喎」，巴士阿嬸未予理會，繼續搽潤手霜。

其後女乘客提高聲量怒罵巴士阿嬸：「你邊有可能咁樣坐！」不過巴士阿審繼續一意孤行道：「你坐嗰邊喇一係」，並發現女乘客一直拍攝其惡行，企圖出手遮擋鏡頭。

不少網民留言大罵巴士阿嬸自私、極品，「佢當自己屋企」，亦有人指拍攝者已好聲好氣，「佢仲喺到玩嘢」，有網民笑稱：「佢一定無食藥」。更有網民獻計指，將對腳伸返係巴士阿嬸雙腳中間，然後扮傻大叫擘開對腳，「咁佢對腳同樣跟住擘得更開」，有網民即響應說：「沒有最賤只有更賤，賤過佢就得喇！」

網民有話說

Alay Huang：一樣米養百樣人

Grace Pang：真係超級自私！極品！

Stanley So：同傻嘅人講道理，嘥氣

Frankie Yim：有精神病

http://www.orientaldaily.com.hk/hk/bkn/cnt/news/20150521/bkn-20150521135638866-0521_00822_001.html?refer=hn2

轉載請註明來源：今天頭條