黃心穎自安心偷食事件爆出後，就潛水美國神隱7個月。近日，她終於在社交平台「蒲頭」，聲稱曾憂慮影響《牛下女高音》播出，惟網民紛紛留言鬧爆，有人就話套劇可以繼續播出全靠一班中佬撐場。

講起中佬，現年54歲的韋家雄日前接受節目訪問，分享自己入行後的辛酸經歷。

韋家雄入行前曾做過賣點心麵包、廣告攝影師。1989年，韋家雄報讀亞視藝員訓練班入行，1995年轉投TVB，拍攝《真情》大力仔一角令他為人認識，直至《梟雄》麥瀚林一角奪得「最佳男配角」。

韋家雄多年來默默耕耘，終於吸引到比自己年輕20年的Keynes，不過阮兆祥問到新婚生活時，他就表示因為拍《木棘証人》搞到沒有時間理會老婆，雖然戲份不重，但時間長到太誇張，有心理準備要捱夜都被嚇怕。

連阮兆祥都大感愕然，韋家雄續說：「平時最多1、2日，但成個禮拜連續係咁，好耐未試過，Roll緊機都瞓著覺。其他演員喺度做緊，我就瞓著。得2句要等前面講曬，到我講已經瞓著咗。」

至於被問到多年來有沒有受過冷言冷語，韋家雄坦言有，但會繼續做：「呢個圈咩人都有，必定有經歷過。有啲你同佢打招呼，佢唔應你，初期都會唔開心。有啲人可能有眼疾，我經歷過喺?入面同人講早晨，佢冇反應，感覺上係你叫我做咩呀？嗰個監製嚟。好尷尬呀，佢仲同隔籬嗰個打招呼。」

但不說不知道，原來韋家雄有個猛料哥哥韋家輝，是TVB神劇《大時代》編審兼監製，自離開TVB後多與杜琪峯合作，一直都是票房保證，而他就大讚弟弟好有骨氣。因為韋家雄不想靠關係，所以兩兄弟多年都沒有合作過，證明韋家雄轉戰電影是依靠實力。

雖然入行30年成績有目共睹，不過韋家雄曾經在接受傳媒訪問時坦言：「TVB份糧未夠我食2餐...一時演有名有姓嘅角色，一時又叫我行行企企，我厭倦咗。TVB只重用自己偏愛嘅演員，你唔係親生仔就連節目做訪問都費事訪問你，試問點會唔心灰意冷。」

所以儘管經歷過3次生意失敗，一鋪清袋，韋家雄都不怕，開設電腦特效公司做老闆，初步為廣告、劇集做後期製作，長遠計劃是開拍屬於自己的網絡電影。

轉載請註明來源：今天頭條