阿輝有個老友叫四眼華 佢地由細玩到大 關係非常好～

有一次 阿輝嚮街到 見到有個女仔好特別～

（可以簡單形容個女仔既特徵）

身形標準 擁有長腿蜂腰凹凸有致～

唇角上翹 配合橢圓形臉略帶微笑～

一雙馬尾 流露出動中帶靜既個性～

戴住眼鏡 仍無法掩蓋動人既眼睛～

就係咁～阿輝就比眼前呢個女仔吸引住～

佢觀察左一陣 等個女仔講完電話 就忍唔住行埋去～

阿輝：（阿妹～）

女仔：（嚇～）

阿輝：（等緊朋友?）

女仔：（嗯....我朋友過緊黎）

阿輝：（一陣去邊到玩呀 不如一齊吖）

女仔：（無....諗住周圍行下 睇下野）

阿輝：（哦～咁好啦 下次再約過 我走先喇）

女仔：（嗯...bye bye）

當阿輝轉身走嗰一刻 突然醒起（電話都無攞 下次點約？）

跟住阿輝就返轉頭同個女仔講～

阿輝：（咪住 頭先唔記得問你攞電話）

女仔：（嗯...咁你比個手機我）

阿輝將個手機比左個女仔之後 見到個女仔噤左幾下

再攞自己個手機出黎 睇到有來電顯示 跟住就將手機比返阿輝～

阿輝望一望個手機之後 再同個女仔講～

阿輝：（你好似漏左啲野）

女仔：（咩～?）

阿輝：（你比我個電話號碼無名）

女仔：（我叫小藍呀 你呢～?）

阿輝：（我叫阿輝 咁我走喇 得閒電你）

女仔：（好啦～bye bye)

跟住 阿輝開心到即時同四眼華講曬成單野～

四眼華見阿輝講得咁興奮 就知條女一定唔簡單～

所以不停叫阿輝約小藍出黎見下～

阿輝應承左四眼華之後 就開始電小藍～

經過幾日既溝通 阿輝發現左小藍原來係比較文靜

唔鍾意去玩既女仔 平時都好少約朋友去街～

咁就為有約佢嚮屋企樓下既公園傾計談心～

小藍覺得呢個提議唔錯 就約左阿輝星期六見～

等到星期六 阿輝就同四眼華一齊走去搵小藍～

過到去 小藍就帶佢地去左個公園 求其搵左張長凳坐低～

當時 小藍坐中間 跟住就一直同阿輝傾計 仲傾得好開心～

而四眼華都好多野講 但係就好似無人聽到咁～

過左一段時間之後 小藍話想買啲野飲 叫阿輝係到等～

四眼華一見小藍行開左 就即時同阿輝講～

四眼華：（喂～呢條女好得 你鍾唔鍾意先？）

阿輝：（咁都仲洗問～）

四眼華：（好～既然大家都鍾意 我同你又咁老友 不如咁啦

黎個公平競爭 我地賭一鋪 由個天決定 邊個贏左 就去追小藍）

之後四眼華就嚮草叢執左堆石仔 然後同阿輝講 我地買單雙～

阿輝心諗（呢個應該係最公平既做法 如果講外表對佢黎講太唔公平）

阿輝：（好～我買雙）

四眼華聽到阿輝咁講 就打開隻手數石仔 結果係單數～

當時既阿輝 雖然有啲失落 但係願賭服輸～

四眼華：（阿輝 講過算數呀～小藍就黎返 你行開下先）

阿輝：（好～咁你搞掂打比我）

由於阿輝心有不甘 所以就行左去遠處偷望～

見到小藍返黎 坐低同四眼華傾計～傾左唔夠五分鐘～

小藍就同四眼華揮手道別～當小藍轉身離開嗰一刻～

四眼華就好似死左咁 瞓左嚮張長凳上面～

呢個時候 阿輝就攞起手機 等四眼華打比佢 再問情況～

點知 打比阿輝既人 竟然係小藍～

阿輝：（喂～小藍 做咩？）

小藍：（阿輝～你去左邊呀？）

阿輝：（無～我去買啲野啫～阿華有冇同你講啲咩）

小藍：（有呀～你過黎先講啦 我而家嚮屋企樓下等你）

之後阿輝就過去搵小藍～（原來當日小藍屋企無人）

阿輝一過到去 小藍就叫阿輝上佢屋企再傾～

入到去小藍屋企 阿輝好自然咁除左對鞋～

跟住小藍就帶左阿輝入房～坐係小藍床上～

（嗰次係阿輝第一次入女仔間房

裡面係一個充滿色彩 放滿公仔既房間）

嗰一刻 阿輝就比房間內既一切吸引住 感覺好新鮮 好奇妙～

一時忘記左問四眼華既事（突然間 阿輝留意到一個好難忘既畫面）

小藍竟然背向阿輝 直接嚮佢面前換衫～

（一件露臍小背心配貼身短褲～整個完美曲線就呈現嚮阿輝眼前）

當小藍一轉身既時候 就不發一言咁騎上阿輝大脾 雙手繞過頸背～

而阿輝亦都好自然咁 將雙手放嚮小藍腰間 視線向下 並無對話～

經過一番苦纏之後 兩人就瞓嚮床上傾計～

阿輝：（小藍 頭先唔記得問你 阿華有冇同你講咩？）

小藍：（有呀～佢話想追我）

阿輝：（咁你點答佢？）

小藍：（無呀～我咪話你係我男友囉）

就係咁 阿輝終於明白 點解四眼華無打比佢～

之後仲因為內心既掙扎 （如果同小藍一齊 就對唔住自己老友

但係同小藍搞成咁 又無可能將佢讓比四眼華）

最後 就因為一場打賭 女友同老友都無曬～

一直以來 見過唔少人 因為做錯決定 而輸左段愛情∼

好多人為左爭奪心中所愛 各師各法 無所不用其極∼

當中就以打賭既方式 最為無聊不智 但係又頗有成效∼

細個嗰陣 見過好多朋友仔為左解決追同一個女仔既問題∼

可以用猜包剪揼既方式黎決定 贏左嗰個 先可以追個女仔∼

（過程中 當然係無得到女方既同意啦）

但係好奇怪 呢種方式 又真係有一定既效果∼

原因可能係 贏左既一方 會理直氣壯 表現得特別大膽∼

而其餘嗰班輸左既朋友 都會自動放棄追求既權利∼

所以 嚮女方無其他選擇既情況下 好多時都會成功∼

除左用打賭贏返黎既伴侶之外 當然仲有好多方法爭奪愛情∼

例如∼硬搶 鬥智 離間 計算 脅迫 利導 反客 引誘 請人 捉痛腳

聲東擊西 製造混亂 遠交近攻 群眾壓力 仲有好多千奇百怪既方式∼

真係多到講你都唔信∼（但無論如何 以各種手段得來既愛 都唔係好事）

而嚮到只係講下打賭既方式∼其他方法 就等有興趣先再講∼

今次分享兩個有關打賭既愛情故事 比大家參考 當中你會發現

無論係成功與否 最後都係無咩好結果∼（真係鍾意人 就唔好再打賭喇）

轉載請註明來源：今天頭條