是咁的，上一排咪有個有錢人船P既，我………我去左。

係呀！笑我啦！係我，係我蠢，係我想識d「想識俾得起$1000去船河的人」既女。

個過程………唉……

屈左響個心度好耐，D冤屈谷埋谷埋，

我真係驚會跳樓……好想講出黎發洩下…過程如下：

老實講，我真係冇諗過自己會上到船玩

唔係冇錢，係因為從來冇諗過用$1000去遊船河

$1000話多唔多話少唔少，可以食餐好、可以買3隻Xbox Game、可以上深圳玩2次

唔知係咪鬼掩眼，我竟然神推鬼撞，真係PM左o個個搞手，話想上船玩

佢叫我先過數，仲要即日，話名額好快冇，要幫我留位咁話，

哦！好丫！咪過住一半數俾佢先囉！你知啦！唔係話多錢，不過我唔係好信佢。

佢收到錢之後即係覆我，問我係咪有錢人，

我心諗，我都俾得起$1000啦，仲唔係有錢人？

於是，我答佢「係，我係有錢人」，然後佢話歡迎，

仲立即同我講，上面有好多有錢人，都係佢D老友，三架船一齊出海，

是次活動係其中一架船既船主女朋友生日，佢係富二代，所以陣容會好鼎盛。

喂！其實我唔係好想知個Background，淨係想睇下上面係咪淨係得Model同鬼妹，

我同佢講：喂！如果我響上面見到普通女仔，就擰甩你個頭。

佢話普唔普通好主觀，佢覺得肥姐某程度上都OK正，

哇！你！即係取巧姐！

船P響星期日，我星期一期待到星期七，仲響星期六專登行SOGO，

買左條好型棍既黑色紅邊三角泳褲，響試身室對住塊鏡左睇右睇，

諗緊扯住旗出場有氣勢D，定塞支棍入去霸氣D，

唔，買左番去先算啦，好開心咁俾錢，然後番屋企繼續試泳褲。

星期六晚，興奮到訓唔著，船P呢個字，潛台詞係比堅尼、甩Bra、走奶、

今次唔再係Facebook o個D豬扒著比堅尼、甩Bra、

係Model、鬼妹、女明星、竹星妹著比堅尼、甩Bra、實在太期待！

雖然單拖去有D怯，為左寫篇甜故報告俾各位高登巴打睇，

去馬，就去馬啦！

點知，我先知原來上左賊船。

(帶定頭盔，本故事純屬一場誤會，如有對號入座，實屬你身有屎)

星期日，響西貢碼頭出發，咦喂！係幾靚仔喎架船！應該係呢架啦！全碼頭最大架！一定冇錯！

咁我咪上船囉，點知個好大隻既半唐番石Q攔住我講左一大堆英文，類似係話我冇permit

我話我俾左錢個喎！仲有張ATM單為証，上面收款人大大隻寫住DXX XXX，然後撻個搞手個朵出黎！

個半唐番石Q望一記望張單，然後話：「呢度冇人識佢喎！」哇！大王你都唔識？

我好無奈，打俾個搞手，諗住都係唔通…唉，應該都係一宗騙案黎架喇，咪當上左寶貴既一科囉，

點知又接通左，佢好風騷咁接聽「喂！早晨！」，點都好，我呢一刻重燃希望！

我：我上唔到船既點解？

佢：佢地認樣唔認名架嘛！黎緊架喇我！

我：你幾時到呀？

佢：我坐緊我老友部法拉利黎緊啦，好快到！

我：我響碼頭等你架喇咁！

佢：冇問題！

其實呢，我就一早響香港網絡大典search過佢D豐功偉績，

對佢個樣都略有印象，應該唔會睇錯……

我見到一個唔過170cm，貌似佢本人既物體響巴士站一架巴士上面下車……

應該唔係佢啦！佢坐法拉利過黎架嘛！

唔係喎！o個個人落左車之後行緊過黎喎，咦！真係佢黎，

原來架巴士叫法拉利……個司機一定係佢老友。

我：喂！夏娃！我呀！2nd_Joe呀！

佢：喂！Hi喎！一下車就想搵你相認！咦！準備一齊癲番日未先？

我：準備好喇！唉！幾驚你唔到！我期待左成個禮拜架喇！

佢：點會！我出名守信用！所以先有咁多老友有野搞都預埋我之嘛！

我：哇！好叻呀！可唔可以叫你一聲偶像？

佢：嘿！咁又唔敢當！叫我勁野哥咪得囉！唔知係咪我好勁，個花朵係D女幫我改既

我：哇！呢D咪人地講既短少精幹？

佢：屋企人教落，西唔好揀黎，但要揀黎熟

我：下？豬扒呢？

佢：豬扒都係肉丫！

待續. . . .

轉載請註明來源：今天頭條