《包青天再起風雲》這套劇在拍攝途中已經鬧出不少事件，繼早前有些演員連名字都沒有印在宣傳海報上，昨日李嘉又在網上呻編更出現問題，明明0330通告，但原來要等到午飯後再開始拍攝。更加令人氣憤的是，原來男主角譚俊彥試過拍十幾個鍾，休息一個鍾後，再拍十幾個鍾，究竟系發生咩事？

《包青天再起風雲》的劇組這段時間都有橫店拍攝，TVB出外地取境，當然希望儘快完成事件，預算就可以相對地少。不過因何事搞到李嘉如此火滾呢？

在接受訪問時，李嘉表示：事緣系咁，嗰日落通告系0330，咁後來我哋換好曬衫化好曬妝準備出發，個導演先發現頭場原來無我哋，同埋我哋開封四子（李嘉、譚坤倫、李日升和黃耀英）加埋公孫先生（曹永廉）結果系無出發到，等到1000先出發。

李嘉續說：「去到現場都差唔多放飯，之後先到我哋埋位，有時呢方面個編排系幾失當，加上早幾日我又病咗，因為橫店呢邊忽冷忽熱，劇組都有唔少同事感冒。咁去咗當地看醫生，仲開始發燒，其實食完藥都無得休息請病假，所以休息時間對我哋嚟講真系好重要，如果唔考慮呢樣嘢，咁樣排更，去到要等幾個鍾，你話呢幾個鍾如果俾我哋休息會唔會更加好呢？」其實這種編更失當的情況，只要有關工作人員多加留心，根本可以杜絕這些事情。

事件還未完，李嘉表示男主角譚俊彥更加辛苦，他說：「同埋有時啲通告系好離譜，其實男主角仲辛苦，佢系收2700（即凌晨3點），之後要佢開0330再接一個通告化妝，基本上佢系得一個鐘頭休息，衰啲講連妝都唔使落直接再開工，精神唔夠嘅情況下點樣去拍戲先？之前喺香港我都試過，佢哋系安排收工收凌晨5點，之後開朝早8點，仲要系拍打戲。所以有時呢種模式系忽略咗演員，因為演員系人唔系機器，無可能做完十幾個鍾，熄機一個鍾，之後再開機十幾個鍾，無人會捱得住。」

其實一個演員，想要做好一件事，除了演技之外，足夠的休息也是相當緊要。李嘉表示：「其實做任何嘢都好，休息系好緊要。而家TVB拍攝方式，追求拍出嚟個鏡頭要靚，以前三機拍攝，而家變咗兩機拍，但系拍嘅shot系多咗。演員同一段戲以前可以四到五take就搞掂，但而家要做十幾take，系未計你ng喎。返到去系可以剪得好靚，但咁樣系加重咗演員個工作負擔，咁如果再喺通告上面唔調整，仍然系用3機拍攝嗰種chur法，嗰種咁趕住要拍曬啲嘢嘅高密度拍攝，變咗系一件好辛苦嘅事。你話要追大陸拍攝水平，無錯大陸的確係咁拍，但唔好忘記，大陸嘅資金同時間都俾你多得多。其實系軟體方面跟唔到，剩系跟硬體例如啲靚嘅機，但有無考慮過演員承唔承受到呢？呢個先系最大因素。」

其實追求拍出來的效果靚並沒有錯，要追上大陸的進度簡直是明確的目標，但的確要有相關的配件去支持，至少不能強硬增加演員的工作量，這只會得不償失，李嘉最後說：「有好多時會見到演員不停重複重複拍同一個take，已經累到連講句說話都辛苦，仲點搞到好嘅戲出嚟呢？鏡頭系靚嘅，要咁靚不如去拍硬照。其實我都唔知而家系成個TVB都系用呢種方式去拍攝，定系剩系某啲劇先用呢種模式，我自己會覺得如果咁樣拍對演系辛苦，希望下一部劇唔好遇到呢種情況喇，讀稿都難喇，唔好話做戲。」

希望TVB可以好好認真考慮這個問題吧。

轉載請註明來源：今天頭條