林子善與太太董佩欣昨天擺喜酒，一對新人於下午五時半見傳媒。身穿紫色西裝的林子善與太太親足1分鐘，讓記者拍照。談到今晚筵開63圍喜酒，子善謂：「原本50圍咋，之後好多朋友都說來，所以加到現在63圍，沒得再加，都要跟一些想來的朋友講句不好意思。」
這次婚禮花掉7位數，子善表示存錢存足兩年，打趣說：「除了無綫返工外，我出面都有跑山搵錢，慳啲使囉，結婚我唔會理賺定蝕勒。（幾錢開門利是？）本來系9,999嘅，我加左點變成9.999，我覺得我老婆系無價嘅。接新娘易過借火，那些姐妹一見到袁偉豪，門都開了三分二了，再見到馬明及嘉穎，就差不多自動開門啦。玩新郎時我食左咸竹蜂，咳到口水鼻涕一齊流。」
對於未來要與太太共度餘生，子善愈講愈眼濕濕：「要做好自己先，我唔想空口講白話，行動最緊要。要愛惜自己身體先，先可以照顧到太太，走埋下半生。頭先我未講愛的宣言已經喊，斟茶畀外父、母好動感，我自己太易喊勒。姐妹們有畀野叫我跟住讀，但我唔想，因為唔系出自真心，但我講自己想講嘅，講三句又喊！」
當問到太太畀子善幾多分，她謂：「100分。」子善即謂：「畀80分夠勒，咁先有進步空間。（努力造人？）我唔得，暫時未得住，想小朋友第二日生活成長環境好啲，下年啦，太太同外父母都好鍾意小朋友。」至於董佩欣手上的1.6卡鑽戒，子善表示：「買唔到最大嘅戒指，但呢只無論顏色及切割都系完美嘅，佢值得我買畀佢。」
話林子善人緣好真系唔會錯，除左朋友多到酒店都唔夠位放之外，號召力都相當驚人，TVB嘅藝人差不多系傾巢而出，好似台慶咁，例如KC歐瑞偉、呂慧儀、郭峰、陳法蓉都有嚟到，連岩岩同陸漢洋訂婚嘅苟芸慧都話要嚟取經，以前大家成日都話苟姑娘個身形臃腫，今日見佢突然瘦左幾個碼，苟芸慧解釋系因為拍廣告辛苦到瘦左，依家呢個細碼嘅苟姑娘真系冇得輸！
之後有江美儀、蔣家旻、何浩文、韓瑪利、小儀跟住嚟，估唔到喺呢個場個見到楊怡同羅仲謙手拖手出現，楊怡聽到大家叫佢「羅太」笑到見牙唔見眼，好耐冇見過楊怡出現喺鏡頭前面。
跟接著有袁文傑、田雞、敖嘉年，最搞笑就系徐榮同陳煒著系戲服趕嚟飲林子善呢餐，可以話系相當有誠意！每逢有婚宴就一定要有阿Bob同曾志偉呢兩個「千杯不醉」，但阿Bob 就話自己已經收山，只會飲到5，6成，大家又信唔信？跟住仲有黃心穎、曾志偉、胡楓、胡杏兒、黃日華、王君馨、岑麗香、吳岱融、吳卓羲、陶大宇、金剛、林子聰、李思捷、陳展鵬等人出現，總之就好多人，多到數唔曬，最後連樂小姐都嚟埋就系最好嘅Happy Ending。
吳卓羲從北京返港出席林子善的婚宴，他表示今次到北京是為了調理身體，接受氣功及電療。至於是否為了生仔？他笑謂：「唔系，為健康啫，不過生仔都好，但系未系時候！」又指做氣功治療辛苦，因以前跳舞令腿、膝蓋受傷，他說：「敷中藥好似畀火燒咁，但系之後有時間都會再去北京做治療！」
羅仲謙與太太楊怡孖住現身林子善的婚禮，兩人手拖手到場兼拖實做訪問，恩愛爆燈，問到會否傳授夫妻相處之道給一對新人，兩人都謙稱不需要，羅仲謙指：「我的都學習緊，最重要保持新鮮感，相敬如賓。」問他如何保持新鮮時，他說「好似我咁，有時變瘦，有時變大。」此言一出，即時引來無限聯想兼狂笑，問他哪兒變大﹖羅仲謙澄清：「我講我嘅體格，你的唔好心邪，都系我講得唔夠清楚。」
楊怡聞言即笑得合不攏嘴，並說：「佢講嘅系體格咋！（你鍾意老公變瘦定變大？）兩樣都鍾意。（你有冇同老公一齊做運動？）冇，唔做得，因為我天生系好易有肌肉嘅人，凈系可以做拉筋、減壓同放鬆嘅動作，如果做健身會好實，我唔想練到好大隻，合照時遮住我老公。」羅仲謙也笑言如果老婆比自己大隻，他會感自卑。
苟芸慧（苟姑娘）身穿深藍色連身長裙襯上西裝褸出席好友林子善婚禮，問到送了甚麼禮物？她表示有做人情，同時為對方送上祝福。而苟姑娘早前宣布跟男友陸漢洋訂婚，問是否到來取經？她笑言：「都會嚟同佢交流嚇。」談及她的身形比之前瘦削很多，她對於被贊瘦表示多謝及感到開心：「之前去泰國拍左個護膚廣告大家好快會見到，因為拍攝時間都好長，幾辛苦，又冇羊時間休息，所以就瘦左。」她表示在廣告需要身穿泳衣落水，自參選華姐之後再穿泳衣，問是否三點式性感？她說：「唔系三點式，系一件頭，不過都幾性感。（婚前最後終極性感？）其實結左婚都可以性感，健康性感，唔會令人有唔舒服感覺就可以。」
黃心穎出席林子善的婚宴，講到男友馬國明自稱千杯不醉，她笑指對方常常講，不過馬國明一向少飲酒，她說：「但系有見過佢飲到High High的咁，少少醉，好多野講！」
至於可會擔心男友飲醉攬人，又或者攬自己？她說：「唔會啦，佢比較少飲，飲完會開心，系咁笑！可能系因為平時對住我唔開心啦！」又笑指自己比對方飲得，不過很久都沒有飲酒的她，直言有點擔心今晚會飲醉。問到可會為男友頂酒？她笑謂：「唔會！想睇佢醉，睇嚇佢會攬邊個！」擔心出席婚宴會被催婚？她笑指有淮備，直言結婚並不是潮流，並不是別人結婚自己就要結婚！
林盛斌（Bob）出席好兄弟林子善喜宴，談到身為「兄弟團」的唐詩詠表示要找專人「對付」他，以防Bob大醉，Bob謂：「我依家好少大醉喎，乖左好多，以前會盡興，依家最多飲5、6成咋，點解詩詠咁講？（佢話你要灌醉班兄弟。）我都系搞嚇氣氛啫，知道馬國明同嘉穎等都會飲番幾杯。其實我同子善識左好耐，佢都系個有上進心嘅人，希望佢婚後努力造人啦。」
轉載請註明來源：今天頭條