杜汶澤自導自演的《空手道》入圍第13屆大阪亞洲電影節「競賽單元」部份，阿澤獲得電影節大會頒贈的「亞洲明星大獎」（Asia Star Award），這個獎旨在表揚在電影有傑出表現的人，他與老婆田蕊妮一齊到大阪接受榮譽。

阿澤幾個鍾前還開心拎獎，怎知個獎在手未夠一日就「落地開花」……原來阿澤此行帶視後老婆田蕊妮去大阪，怎知老婆摸下他的獎就手滑跌落地！阿澤在facebook留言：「所以話每個成功慨男人背後，都會有一個女人支持。我亦都唔例外。亞洲之星呢個獎，系表揚我過去對香港電影界慨貢獻，點知食完飯，俾我老婆跣手一X掟爛X咗！渠差啲爆喊，而我心諗，我都未喊你喊乜膠呀？我只能夠講一句：『世事無常，到處都是修行的道場！』唯有繼續努力，第日有機會再攞過啦！我頂你個肺.......」

而過咗一陣，田蕊妮都有轉貼阿澤的facebook po，說：「對唔住，對唔住，我真系好對唔住！」講了三次，真心道歉啊，相信阿澤都不會怪她啦。

轉載請註明來源：今天頭條