今年視帝以王浩信及馬國明呼聲最高，再三要求下，「台慶頒獎禮之父」陳志雲於「不公平」下揀了馬國明，他笑說：「冇睇好邊個，因為兩套都冇睇，王浩信唔系好認識，馬國明我就認識多啲，憑對佢認識，當然希望馬國明攞，但唔代表王浩信唔好。馬國明系非常好嘅人，好謙虛，冇乜野心，有得做就開心嘅演員，系一個天真爛漫嘅鄰家男孩。」
台慶頒獎禮出現，令到編排劇集檔期出現爭崩頭，因為劇集愈近頒獎禮自然愈有利攞獎，陳志雲笑說：「節目部就做咗磨心，大家去角力，記得最犀利系排《天與地》喺十二月，因為唔系台慶劇，製作部唔系咁高興。有角力系好嘅，製作最大吸引力就系冇一定得嘅方程式，好似《金枝欲孽》知佢得，但估唔到得成咁，後來有啲老闆就話要一年開四套呢啲。」
劇集爭檔期爭崩頭，那麼視帝、視後豈不是更激烈，陳志雲直言他的年代沒有傳聞所說的簽約換獎這回事，他說：「你睇番以前攞過視帝、視後都唔一定系TVB經理人合約。當時制度觀眾投票占一定比數，內部評審系占好重要嘅元素，內部評審嘅票系會影響到結果，但系當時內部系好公開、透明咁討論，內部自己角力系會爭崩頭，系會講到反面、面紅耳赤，呢啲真系有嘅，講唔掂咪搵高層去定奪。」陳志雲又指當時沒有藝員向他埋堆爭取獎項，但他相信會向監製層面爭取，他亦覺得並不是壞事。
當年無線率先興起舉辦香港先生的概念，但卻被亞視截胡，他說：「以前搵小生好難，方小姐就叫我哋出去見多啲人推介畀公司，要同事每月要交人，但後來冇嚴厲執行。自己試過去一間餐廳，有啲服務員質素唔錯，同佢傾偈了解嚇，問佢哋有有興趣嚟試鏡，結果畀餐廳趕走，陳生我哋唔歡迎你，梗系啦你撬人啲員工。」可會尷尬擔心被誤以為是hehe﹖他說：「唔會尷尬，都系做嘢，覺得佢有潛質先傾，但我就未成功過咁樣搵人入TVB。」
見慣風浪的陳志雲對主持亞視的《百萬富翁2018》坦言有壓力，認為與陳啟泰難作比較，他笑說：「我唔會嚴肅，會輕鬆啲，喺輕鬆嚇製造緊張，亦都會滲透《志雲飯局》嘅元素入去，觀眾都有好多故事。」電視圈再起風雲，陳志雲坦言看不到有人可以打低無線，他說：「TVB根基好雄厚，唔覺得有人可以打低TVB，除非佢自己做咗啲好錯嘅嘢，自己打殘自己，因為TVB觀眾底好強，依家最多人睇都系TVB，但優勢會因為科技、新媒體興起減低。」
轉載請註明來源：今天頭條