《溏心風暴3》網上已經播出20集

由第一集開始果然冇令粉絲失望

成功變成《金句風暴3》

雖然台詞有D生硬煩瑣

但睇嚟大家都好受落

豆瓣評分有8.6分咁高！

雖然仲有夏雨、李司棋、關菊英、米雪坐鎮

加上王浩信、岑麗香及黃翠如等新血

但冇咗「管家仔」林峯、「啞女」陳法拉、「得得哋」陳豪、「攞女」楊怡、「常在心」鍾嘉欣

始終感到美中不足，少減D味道

不過大家唔好難過住

「溏心迷」有福啦！

「正爸」夏雨話

《溏心風暴》將會拍成電影版

邀請《家好月圓》的原班人馬出演！

前幾年就開始轉型做電影監製嘅夏雨

而家系一間影視娛樂製作公司嘅總監

早就密謀過要搵曬原班人馬拍電影！

加上《溏心》一眾班底都玩得好埋

平時都有約一起吃飯

但拍劇能一班人一齊相處幾個月真係很難得

今次可能係睇到《溏心風暴3》有所不足

收視平平

夏雨先扚起心肝吹雞開電影

點名一定要李司棋在電影做他老婆

不過咪睇「正爸」依家咁和善做大好人

其實佢十幾年前脾氣好火爆

司棋姐大爆其實十年前自己是「唔睬佢嘅」

係經過十幾年相處先慢慢熟絡

F過夾band

「正爸」今次講到明要請翻以前經典班底演出

林峯、楊怡、陳豪、陳法拉等

都係由《溏心風暴》走出來的視帝視後

大家最希望邊個回歸咧？

陳法拉

因為「啞女」阿慶形象成功入屋嘅法拉

係《家好月圓》全程無對白，全靠手語做戲

為咗演好哩個角色佢仲學咗4個月手語

雖然講唔到嘢，但阿慶斯文可愛不做作

好多師奶都好鍾意佢嘅角色

每次睇到佢俾人鬧俾人誤會都好心痛！

楊怡

楊怡參加過兩部《溏心風暴》

第一部係串串哋嘅卓文麗，未婚先孕

第二部係飾演「攞女」阿月

成日俾關菊英挑釁、嫌棄

幸好有「家、好、圓」三兄妹保護

當時楊怡嘅演技都好值得關注

要狠毒可以演出壞女人嘅眼神

要乖巧可以演出無辜弱勢的可憐

依家轉型為人妻嘅楊怡

可以考慮接替關菊英做「攪屎棍」角色喔~

陳豪

陳豪憑藉《溏心風暴》的「得得地」奪得視帝

第二部里搞笑又講義氣的「渣沽」也非常出色

陳豪除了可以搞笑

仲可以出演專業治婊30年嘅型格大叔

電影版肯定可以搵佢做！

林峯

由《溏心風暴》的配角程亮

到《家好月圓》的主角「管家仔」

林峯形象陽光，加上依家成熟穩重

一直都深受觀眾喜愛

加上佢同常在心嘅CP可歌可泣、令人回味

如果電影版有佢加入

一定多好多人買飛入場

鍾嘉欣

相信大家一定仲記得「常在心」

雖然都係演溫柔可憐嘅小白兔角色

但可以演到咁入屋一D都唔簡單

加上依家嘉欣BB已經生完細路重新復出

出演電影應該都冇咩問題嘅！

徐子珊

徐子珊係《家好月圓》中飾演嘅嘉美

當時睇到觀眾都鬧爆佢

搞是搞非，用毒計陷害阿月

16歲未婚生子狠心將細路送去孤兒院

比米雪有過之而無不及！

仲欺騙埋陳豪嘅感情

真係蛇蠍都冇佢咁毒啊！

黃宗澤

Bosco係唯一一個參演3部《溏心風暴》嘅年輕演員

前兩部雖然戲份唔太多

但又同楊怡結過婚、又同鍾嘉欣相戀過

艷福都唔少

到咗第三部更加唔使講

晉升為主角不特止

仲有一百幾十條女一D都唔誇張

相信都不會係電影版缺席

不過問題嚟啦

有成30集以上嘅《溏心風暴》家庭倫理劇

要拍成得2個鐘嘅大銀幕版

會唔會連人物關係都未交代清楚就結束咗？

如果連吵架都係點到即止，唔入肉

咁未好唔過癮？！

不過相信哩D問題「正爸」都會搞掂曬

我哋一齊拭目以待以後公布演員名單啦！

轉載請註明來源：今天頭條