歌手胡鴻鈞系TVB 兩線劇集都有份擔綱演出，兩個角色形象反差極大，而且都有幾多要犧生色相、大膽露肉嘅鏡頭，對於演出經驗唔多嘅胡鴻鈞嚟講系一大挑戰。但始終大家對佢嘅話題都唔系落系唱功、演技上，而系佢塊面度⋯⋯雖然佢多次否認，但網民笑稱胡鴻鈞「削骨還父」，連佢爸爸都忍唔住問系咪削過骨！

胡鴻鈞系口碑唔錯嘅《降魔的》劇中為男二，戲份僅次男一嘅馬國明，飾演一個單純但有超強法力嘅精靈，更包辦該劇主題曲同片尾曲；而另一出大製作《夸世代》入面，飾演一名賭場太子爺，系個有特殊性癖嘅富二代。

有唔少演出機會之餘，胡鴻鈞嚟緊下個月將推出新專輯，更到台灣為新歌拍攝MV，星途都頗為順遂。當初參加《超級巨聲2》贏得亞軍，但家人希望理大BBA畢業嘅胡鴻鈞，可以搵份穩定嘅工作，為咗一圓歌手夢，佢唔理家人反對，簽約星夢。

討論過後家人尊重佢嘅決定，叮囑佢要為自己嘅決定負責，佢亦儘量唔令家人擔心。不過娛樂圈總有花邊新聞，你未必記得佢同林欣彤傳過緋聞，但「削骨還父」呢個外號一定有啲印象，網民嘲笑佢面形由方變尖，仲幫佢整埋「面形進化圖」！

雖然唔贊成入行，但家人睇到佢被傳整容嘅負面新聞，都為佢感到憂心。胡鴻鈞近日受訪時向傳媒透露，父母曾經好緊張，仲摸住塊面問佢「你真系有削過骨咩？」，明明同屋企人日日見面，此舉令佢哭笑不得。

從商嘅爸爸最近退休、家景不錯嘅胡鴻鈞自言有畀家用，但仍然比其他人少咁啲經濟壓力，令佢可以放心做自己鍾意嘅事。不過佢拒絕靠父干，誓言要100%用自己搵嘅錢買樓，佢話將來冇定任何目標，做到問心無愧就夠。

轉載請註明來源：今天頭條