藝人苗僑偉到將軍澳出席《台慶巨獻：天與地II》記者會，苗僑偉首次為紀錄片擔任廣東話旁白，他說：「第一次聲演，系幾好玩，六集錄咗三日，難在系啲用字同發音，同平時講嘢唔同，要好標準，唔可以有懶音，我配音時旁邊都有導師指正我。（多唔多懶音？）實有，平時唔覺，有時講對白可以自然啲。」

問到配音與拍劇相比會否較難？苗僑偉笑言：「梗系拍戲難啲，配音有稿讀唔使記對白。不過，其實配音都要有戲，要代入啲動物諗緊乜，咁先吸引到觀眾。」

講到接配音工作原因，苗僑偉透露是應杜之克邀請：「唔系因為《使徒行者2》，系早前《射鵰英雄傳》時big big channel拎黃藥師嚟玩，我幫佢哋啲片配番音，杜生贊話幾特別，加上我都鍾意睇紀錄片。」

講到主演的熱播劇《使徒行者2》在內地播出大結局，有指馬國明現身為劇集留下伏線，問可有機會拍第三集？

他說：「要睇編劇接唔接到個劇情先，反正我唔會變，系都做番卓Sir。（卓Sir系你代表作？）呢幾年嚟講算系，大家重新認識我，香港內地都好多人叫我卓Sir。（問鼎視帝？）不嬲唔諗，我情感比較少起伏，不過袁偉豪、黃翠如都好好，翠如真系有機會問鼎視後。」

更多tvb新聞劇透，歡迎在下面like facebook 專業：Tvb穿幫鏡頭

轉載請註明來源：今天頭條