藝人傅嘉莉（Kelly）之前為無線劇《我瞞結婚了》忍痛將長發剪成男仔頭，而最近她便將犧牲升級，為新劇《特技人》戴頭套扮光頭，造型激似電影《少林足球》中的趙薇飾演的「阿梅」，引來不少口痕的網友留言叫她返火星。

對於自己的新造型，Kelly大表興奮：「好彩我依家短頭髮，不過都要花3個小時去變發，過程都有啲痛，工作人員都有悉心幫我搽防敏Cream，但結果都系成條頸紅曬，我將光頭Look放上網，大家都覺好有趣。」

Kelly從未見過自己沒頭髮的樣子，就連對手關楚耀都贊她「So Handsome」，教Kelly開心不已：「做Model嘅時候都有諗過剃光頭影一輯相，相信會幾型！今次竟然喺拍劇時嘗試，真系好多謝TVB化妝師同髮型師整咗呢個咁完美、真實嘅光頭Look畀我。有網友覺得呢個造型太似咁套電影，於是叫我返去火星，好搞笑，連媽咪睇完相都話好得意。」

其實除了返火星外，有些男網民見到相都留言激贊她：「真正嘅靚女冇頭髮都會靚！」Kelly形容新劇發揮多，過足戲癮：「拍完呢個鏡頭要用45分鐘拆頭套，都有啲痛，但為咗靚都值得嘅！依家終於知道男演員拍清裝嘅辛苦。」Kelly向來喜歡迎接新挑戰，扮丑扮Man扮傻都照演，表現相當專業。

更多tvb新聞劇透，歡迎在下面like facebook 專業：Tvb穿幫鏡頭

轉載請註明來源：今天頭條