身為無綫劇集《使徒行者2》女主角之一嘅黃翠如有極重戲份，好可惜由播出到而家一班網民都批評翠如BB嘅演技仍然有好大嘅進步空間、面無表情、生硬等等。再加上同一班好戲之人有咁多對手戲，相比之下就更加被比下去。唔少網民都覺得以下女演員可能會更適合呢個角色，大家又點睇呢！

1. 朱千雪

朱千雪喺《EU超時任務》中飾演一名調查黑警嘅警長，演技獲觀眾肯定，亦深受網民愛戴。如果由佢飾演鄭淑梅一角，應該會有唔錯嘅反應。

2. 王君韾

王君馨早前憑《城寨英雄》花曼一角上位，今年喺 《心理追兇》中飾演冷血殺手汪海澄同埋喺《超時空男臣》飾演明朝太子妃  ，三個性格完全唔同嘅角色都演得非常出色，做臥底一定難佢唔到啦。

3. 黃智雯

黃智雯由「茄喱啡」做到上女主角，演技備受觀眾肯定。佢亦多次飾演女警如《雜警奇兵》、《飛虎II》、《女警愛作戰》等，亦曾經喺《潛行狙擊》中飾演臥底探員。

4. 李佳芯

李佳芯演過嘅角色類型都幾廣，有狡猾情婦、單純嘅律師同埋喜愛夜蒲女法官等，無論角色有幾大挑戰性佢都可以演繹得好好，相信臥底都難佢唔到。

5. 湯洛雯

黃翠如飾演嘅見習臥底鄭淑梅比較單純、傻大姐、仲有少少天然呆，同湯洛雯平時做開嘅角色極為相似，可能佢比較適合呢個角色。

更多tvb新聞劇透，歡迎在下面like facebook 專業：Tvb穿幫鏡頭

轉載請註明來源：今天頭條