《使徒行者2》中 袁偉豪 飾演的「徐天堂」，的確有睇頭⋯⋯

穿梭夜場的一個西裝骨骨蠱惑仔、穿著白色泳褲在泳池邊大Show人魚線的型男，眉梢眼角也流露「戲味」，冧爆雌性動物！

袁偉豪告訴我，拍攝期間，正是谷底心情。但今晚熒幕前後的袁偉豪，一樣帥氣！

唔畀自己重複

袁偉豪每次投入新劇，就會把玩樂暫且擱在一邊，專心做好劇中人。在《使徒行者2》開拍的前幾天，我和他茶敘，那時候的他剛和前度分手，心情低落。所以當看蠱惑仔徐天堂活潑精靈，足證明袁偉豪成熟了、演技進步了。

「嗰段時間係我感情生活上嘅低潮期，我要自己唔能夠諗咁多，投入去拍，呢個角色就係我嘅全部，同我一齊去經歷咗好多！」袁偉豪就是這樣坦白。「我好鍾意《使徒行者2》，拍呢套劇畀到我重拾當日入行拍電影嘅感覺，當然依家嘅我成熟咗好多！徐天堂呢個人物比較多層次，唔只係一個蠱惑仔，佢有自己嘅經歷，喺演繹過程中，我都畀咗好多性格設定，譬如一啲眼神、面部表情啦！我唔會畀自己重複、亦唔希望畀人覺得『袁偉豪』只係用緊同一種方式去演任何一個角色！」

《鐵馬戰車》的施馬Sir、《EU超時任務》的郭尚正、《城寨英雄》的牙佬、《流氓皇帝》的朱祥勳等，每次都有新鮮感，袁偉豪是下過苦工。「徐天堂有嘅幽默感，我又唔重複施馬Sir嗰套；《使徒行者2》有好多武打場面，雖然打嘅係爛仔交，但我都希望同牙佬打出嚟嘅效果，畀大家有唔同感覺。」徐天堂著得斯文，西裝更是極貼身，視覺上型，但相信出手的時候，並不舒服！「我大部分嘅戲服好窄，替身著嘅褲爛過好幾次㖭！」

預咗皮肉之苦

處理牙佬和徐天堂的武打場面，都打得似模似樣，袁偉豪自言是日常愛做運動之故。像最近在他個人Ig上，神態自如的滑水短片，絕對看不出是初哥。

「自從牙佬之後，對拍武打戲多咗信心，開始有興趣。細細個嗰時，都係睇港產武打片大，元彪大哥打得好瀟灑、好好睇！依家我對動作片，愈來愈想自己親身上陣，拍《使徒行者2》都傷到自己㗎，近腳眼嘅疤痕依家仲喺度！身手呢家嘢，要跟師傅練㗎，不過太忙唔容許我咁做，好在平日有做開運動，叫做反應靈活，都可以應付。」何只「應付」呢，袁偉豪直情是捱得！「我做得演員，少少皮肉之苦係預咗，唔通場戲話摑你一巴，真係1 Take過咩；開咗套劇嗰時，24小時冇得休息，咪又要撐落去！」

深明演藝圈生態，令袁偉豪更善用工餘時間，建立個人興趣。「喜歡上拉花係近年嘅事，拉花嘅圖案就係一門藝術，好似寫大字咁。一年前有老師教過我，之後就買咗部咖啡機返屋企自學，每日都會練習，最高紀錄仲試過一日十幾杯㖭，但唔可以拉得太多，我飲咖啡有限，唔飲就倒，好浪費！依家比較熟手嘅圖案係漩渦、葉啦，從啲拉花圖案可以睇到嗰個人嘅性格係點，我份人就比較急……」咖啡拉花，耐性和專注一定不可缺，哈哈！

想知道更多Tvb戲劇資訊/娛樂新聞 請關注以下專頁

《Tvb Artist Fans Page》

轉載請註明來源：今天頭條