劇力萬鈞的《同盟》終於大結局，網上其後有不少聲音，直指劇情完得太倉卒，28集根本無法展現令家對付Rainman的鬥智鬥力，缺乏張力。與此同時，網民覺得《同盟》結局有某些情節做得不夠細緻，甚至有點兒戲，充滿犯駁位，難有緊張感，看到充滿不少黑人問號的地方，就此為大家數一數《同盟》幾個「膠」位！
有冇說服力，大家一聽就知…
陳展鵬一分鐘自薦做Rainman
一分鐘要說服到人相信自己又真的是好緊急，但是如果一分鐘內講得不夠說服力而又過到關，就會給人覺得是在趕收工囉！陳展鵬有著特別的談判技巧，他說：「如果你可以放過我阿媽，我願意成為你們的魔鬼傀儡。就憑我是令家學到的不擇手段…」不知大家聽完，想不想給陳展鵬做Rainman？如果真是這麼容易，的cold call、推銷呀都唔使咁頭痕喇。
消失咗兩年，剩係為咗條USB…
一個USB KO四大富豪勁兒戲
陳展鵬做咗Rainman之後，就自閉咗兩年。一個過鏡就變咗兩年後，見到佢直接到四大富豪個度踩場，就話自己有隻USB有曬所有罪證…但完住冇交代過陳展鵬呢兩年做過啲咩去搜集罪證，就連幾個用下電腦搵證據，講下電話嘅鏡頭都冇！有網民就講笑：「你估你係《Lucy》咩？一隻USB就可以無處不在？」直指劇情太趕時間，突顯不到陳展鵬的勇謀。
易先生死得勁型……！
疑似抄《竊聽風雲2》？
兩者的背景都大同小異，《同盟》講緊軍主會，《竊聽風雲2》就圍繞地主會，就算咩會都好，故事模式都好似差唔多。只不過《同盟》就被網友再一次立下「太倉卒」罪名，就算跟都跟唔足。
羅樂林竟然唔使死
結局入面見到易先生死咗，大家都覺得佢死得好型，點解死後冇人理咁慘。另外，本來嘅Rainman江美儀去咗邊，畀人搞掂僅用畫外音交代，又係太趕。不過呢兩樣都唔係重點，重點係身為副警處處長的羅樂林，身為江美儀的天敵，但戲得幾場，點詳細對付Rainman又係冇講過…而且，最後一集見唔到羅樂林，網民對於佢今次唔使死直接失蹤，有啲唔慣。
呢個look係咪熟口熟面…？
鮑姐最後終於做返自己
記得劇集播出開頭，見到鮑姐的惡形惡聲，有網民覺得佢好似唔係太carry到，都係做返慈母吧喇。來到最後一集，鮑姐個Look好似變返正常，唔使再做令家揸fit人，放下身段後打扮都樸素啲…有網民睇到鮑姐嘅慈母Look，自然地就諗起佢係《肥貓正傳》所做嘅媽媽角色…唔通係向佢致敬？
更多tvb新聞劇透，歡迎在下面like facebook 專業：Tvb穿幫鏡頭
轉載請註明來源：今天頭條