今日《同盟》大結局，究竟邊個係Final Boss相信大家很快就知道。而大台早前播出的預告，見到林子善的家名，終於登上寶座，唔通佢真係傳說中的Final Boss? 唔好意思，係剪接錯覺而已，根據返劇情透露，家名唔想令氏集團結束，自己把心一橫成為令氏主席。不過，亦都有網民仍然死撐林子善係final boss，原因他有個腦瘤，而呢個腦瘤令到佢有精神分裂，從而演變出另一個Rainman。有時真係不得不佩服網民的創意，但亦都有網民話如果林子善真係Rainman，而佢又帶綠帽會否太可笑? 或者，就係因為咁而令到敖嘉年自掘墳墓。 

之前講到林子善用手段登上令氏最高話事人嘅寶座，所以林子善唔係Final Boss 

林子善係Final Boss? 死咗喎!

韓馬利呢個死法好得人驚 高清電視呀!

江美儀︰後悔已經嚟唔切

鮑姐自責教到陳展鵬冷血無情

陳展鵬︰呢條路係佢哋自己揀

鮑姐啲眼淚

死剩兩個，唔通真係可以令金天消遙法外

在海外預告片段入面，更預告《同盟》的死亡人數在今集會直線上升。今集林子善以及韓瑪利為了奪得令氏集團，刻意把安全屋的位置告知Rainman，之後韓瑪利就打算偽造文件，打算用假授權書奪得主席一職。估唔到係林子善亦都非善男信女，拎支槍指住韓瑪利，最後就由林子善成為令氏最高話事人。

由於佢哋為利益再一次出賣家人，令到鮑姐再次身陷險影，二人的下場亦都相當慘烈。韓瑪利就被人鍊死，而林子善就坐在同盟會議室內的大班椅中毒嘔白泡。邊個出手?梗係陳展鵬啦! 蝦佢阿媽都冇下場㗎嘛。鮑姐更傷心到話︰「點解你咁恨心，唔畀個機會佢哋?」鮑姐更起手打落自己塊面度，自責教出一個冷血無情、鐵石心腸的兒子。

至於江美儀呢個Rainman，為了報仇更將鮑姐擄走到教堂，唔止易先生條命仔凍過水，就連胡定欣都被人制服埋。令家上下更同Rainman連番駁火，親信手下一一都死曬，就連彈藥都冇無曬，搞到江美儀好得戚咁話︰「後悔已經嚟唔切」哇? 死咁多人都搞唔掂一個江美儀?

唔少人都好想知Final Boss係邊個，由於林子善會中毒嘔白泡所以他是Final Boss的機會可以話係零。唔通真係羅樂林先係? 如果係真，真係如網民所講要恭喜佢，因為佢終於唔使死，事關佢在《踩過界》入面都是要安樂死作結。

唔通佢就係Final Boss?

佢又使唔使死?

唔通係易先生拎支槍指向陳山聰?

不過，羅樂林是Final Boss的機會亦都唔大。在海外的預告片入面，就曇花一現見到有個西裝友揸住隻牌，好陰濕咁在頸上示意滅口，而呢位西裝友就係大台綠葉李岡龍! 片段更有聲音話︰「只係得你先可以救到阿媽!」無獨有偶，在大台播出的預告就見到陳展鵬被綁，望向一部電話，入面傳來一把男聲話︰「今日呢台戲，比起牌局更有趣，估唔到你夠膽闖入去送死。」同李岡龍揸住啤牌的畫面呼應番。

據知Rainman擄走令熊之後，陳展鵬搵四大財閥求助，更一度同四大財閥的保鏢打起上來。看來終極大佬唔止一個喎，而電話傳來的聲音又究竟是何人呢?

更多tvb新聞劇透，歡迎在下面like facebook 專業：Tvb穿幫鏡頭

轉載請註明來源：今天頭條