少女標本成員Jessica（簡淑兒）近日在無綫處境劇《愛．回家之八時入席》亮相，她在「小巴偶遇」一幕補眠的萌樣更獲網民大讚有仙氣，迅速成為新一代宅男女神。然而網上一直盛傳Jessica懷疑整容，事關她現時的樣貌被指與2012年參選香港小姐時有分別！【《愛·回家》仙氣秘書簡淑兒變新女神 網友讚：笑容令世界停止】

眼見整容傳聞講足幾年，Jessica亦終於忍唔住要爆！為澄清謠言，Jessica在Instagram上載自己2011年在美國讀書的清純照，並自嘲當時又肥又黑，但這些都不是重點！

簡淑兒在《愛．回家之八時入席》中飾演會計部秘書Elsa，之後的集數都會有她的戲分，粉絲要密切留意。

娛樂

簡淑兒因為整容傳聞而嬲爆，粉絲急急在Instagram留言氹返偶像。（簡淑兒Instagram圖片）

見Jessica BB嬲到爆，粉絲亦即時在Instagram留言力撐，叫她只需做好自己，不用理會其他人的看法。

簡淑兒：我以前只係黑同肥

唔止眼耳口鼻連面形都變埋，27歲簡淑兒口才同應對記者EQ一樣進化。其實整容傳聞由16年加入《愛回家之八時入席》出演秘書仔時就傳到㷫烚烚，當時簡淑兒經已反客為主，自post 11年回流前美國留學舊照，自嘲曾經又肥又黑、再自嘲EQ差、話傳媒專揀妝頭出事的相片對比，水蛇春咁長hashtags，曲線自辯係女大十八變唔係整容囉！

真面目判若兩人

隨著新劇學生妹樣靚身材正，簡淑兒整容疑雲再成城中熱話。本刊獲得一批12年香港小姐競選官方照，當年簡淑兒二十強不入，一早做咗炮灰。係同屆黃心穎、朱千雪、湯洛雯等太高質，還是簡淑兒方面、細眼、扁鼻實力差太遠？雖然話女大十八變啫，點解事隔五年冇人話心穎BB同千雪BB變咗樣既？又點解可以變變下變咗撞埋Baby樣呢？呢個先至係真正既《謎》！

愈大愈靚

事隔五年面目全非，愈大愈靚，簡淑兒就曾經解釋係當初官方妝頭出事喎！

五年進化史

12年：面型尖咗，個鼻直咗，不過本來輪廓仲喺度，當年仲有小小似張慧儀。

13年：明顯下巴更尖，鼻型筆直，對眼都比選港姐時圓咗又深咗。

14年 多咗大眼仔美化對眼，不過明顯雙眼又大又圓，已見腰果眼初型。

16年：間尺鼻成型、嘴唇突然飽滿，角度突登低抄，其實拍埋一齊邊個係Baby，邊個係簡淑兒已經好難分！

16年：進化成功再加埋全新化妝，簡淑兒連pose表情都有意無意以Baby為藍本，正式變身成為新一代女神。

GreatDaily

文章來源: https://www.twgreatdaily.com/cat99/node1634441

轉載請註明來源：今天頭條