無線劇集《同盟》已進入結局篇，劇情亦愈來愈緊湊，唔知會唔會帶動到收視上升呢？其實這套劇自播出以來，收視並未見突出，口碑也很一般，有網民更形容這套做「膠」劇。
定欣在《同盟》中再度做打女。
為了轉型做打女真係操到好fit，練曬肌肉。
雖然套劇唔係個個識欣賞，但劇入面的一眾演員都好畀心機去演，其中女主角胡定欣就為演出阮清欣這個角色，確是付出了好多努力，Keep住做體能訓練操fit個body，保持最佳狀態，好用心好認真地去演。在劇中做打女的定欣就連演出一些高難度動作都堅持要親身上陣，毫不錫身，表現得非常專業。不過觀眾似乎不是特別留意定欣的打戲，縱然她在劇中有幾多動作武打場面，觀眾卻將焦點放了在她的搞笑和性感戲份。定欣之前在《城寨英雄》中首次做打女飾演的刁蘭，迴響亦比今次再度做打女大，成功奠定了她的打女形象，而今次外界就沒有怎去討論她的打戲。
打戲連場。
定欣坦言有下過很多苦功去操fit體能和身材。
定欣日前出席活動時，被問到可有覺得觀眾忽略了她於《同盟》中的打戲，似乎浪費了她的一番努力，她說：「我唔覺得喎，相信觀眾都係睇緊我嘅演出，我個角色包含了好多元素，有搞笑、動作又或者文戲，唔係只得打戲，我覺得我個角色好打得嚟都幾可愛吖。
《同盟》除了定欣，其他主要演員都一樣有動作武打場面。
定欣與「胡說八道會」的好姊姊齊出席活動並一起慶祝她36歲生日。
（會唔會覺得你喺《城寨英雄》嘅打戲搶啲？） 其實今次我嘅打戲仲多過《城寨》，每次演的角色都唔同，今次個角色係好可愛好搞笑嘅，每次角色吸引嘅地方都唔同，出來的效果都唔同，無得比較。」已練得一副健美身形的她坦言確是付出了很多努力去操練：「肌肉對女仔來說真係得來不易，女仔比男仔更加難練到肌肉，所以我要keep住下苦功，呢個世界無free lunch，我兩年前拍《城寨》之前開始操練，一直keep到現在。
《同盟》不乏這類搞笑戲份。
宣傳《同盟》。
我一星期會練2-3次，每次操個半小時，做體能訓練、健身或者跑步等等。我好鍾意食嘢，在食方面無特別節制，想食咩都照食，因而就更加要畀心機做運動。訓練過程都辛苦㗎，開頭都有想過放棄，但都係堅持住，見到自己愈來愈進步，就會想繼續追求更fit的自己。
《同盟》劇照。
《同盟》已進入結局篇。
轉載請註明來源：今天頭條