澳門賭業猛人洗米華 (周焯華)，六月在夏威夷醉攬日模松岡李那令女方一夜爆紅成話題女王，卻為此激嬲留在英國湊一對仔女的 Mandy Lieu ，有指Mandy更嬲到帶仔女離家出走，攪到洗米華頻樸飛英國交人，更出動愛的紋身，才成功令Mandy順翻條氣。而洗米華更魄力驚人，氹完 Mandy Lieu仲即刻再會合洗米嫂，日前正印Heidi現身機場，陪在另一邊入閘的洗米華大女周梓潼飛英國讀書，攞正牌踩入 Mandy Lieu 地頭，身在英國的洗米華火速歸位陪正印兼做好爸爸。

 Mandy Lieu 得戚曬肚 Heidi飛英箝洗米華

事先張揚會陪大女周梓潼飛英國升學的洗米嫂Heidi，本周二凌晨，由友人陪同現身機場，準備出發去英國陪大女開學！為免引起騷動，家人一早從另一邊入閘，見到記者時，洗米嫂笑曬口，被問到是否陪大女開學，洗米嫂答了一句「係呀！」還透露會逗留幾星期，但提到洗米華是否會在當地接佢時，趕住入閘的洗米嫂就有所保留說：「唔知啊！」

洗米嫂在周二凌晨由女友人陪同出發飛英國，陪大女周梓潼在當地開學！

洗米嫂同洗米華兒子周柏豪及女兒周梓潼相處融洽。

玩足一個月

雖然 Mandy Lieu 跟松岡李那隔空分別出招，亦無損正印Heidi地位，現正身在英國的洗米華，陪完Mandy校啱時間會合飛當地的洗米嫂及家人，「華哥一早答應老婆，會陪大女一齊開學，順便喺當地玩幾日！」一齊家庭樂！15年底同Mandy世紀一拖搞到洗米嫂心淡嗌離婚，但洗米爸唔想個仔離婚「搞散頭家」， 洗米華幾經辛苦，安排Mandy留英照顧一對仔女，禁足返香港同澳門，更在公司一個晚宴上公開表示周太只得一個，先令洗米嫂回心轉意唔離婚！

兩歲的善潼得意可愛！

Mandy長時間留在英國生活，洗米華反而跟Heidi在香港不時合體出現家庭聚會！

安撫Mandy 將松岡降呢

周旋於正印Heidi同紅顏知己Mandy之間的洗米華，本來已經夠忙，但佢六月在夏威夷出席安以軒婚宴時，又因為攬住日模松岡李那跳辣舞片流出，女方又高調在lG大曬坐私人飛機出埠，事件爆出令Mandy即刻著曬火，火速出招撃退松岡搶米，有情有義的洗米華，即刻飛英國交人！有指 Mandy Lieu 嬲到帶著一對仔女離家出走，飛到英國的洗米華亦搵佢唔到，透過朋友亦唔知Mandy下落，唯有先返香港發聲明將松岡降呢「只係異性友人」來安撫Mandy !

6月松岡李那陪洗米華去夏威夷出席安以軒婚禮，兩人攬住跳辣舞片突然漏出，松岡即時被指係洗米華新歡！

Mandy留在英國湊B，但因松岡事件，洗米華近月就密飛英國探Mandy。

似乎對 Mandy Lieu 愛到入曬肉的洗米華 ，為表對女友愛意，更在左手手臂內側，紋上「I will honor and love you forever」，意思係我會永遠尊重同愛你，下款MW，明眼人一睇就知分別代表「Mandy」和「Wah」縮寫，擺明俾足面Mandy，這次愛的行動夠曬浪漫，即時令Mandy怒氣全消「華哥平時咁cool ，今次肯為Mandy紋愛的紋身，作為女人點會唔冧！」洗米華友人說！

15年底洗米華公開拖實Mandy Lieu一幕，令唔少人嘩然！更一度令洗米嫂心淡提出離婚！

鬥曬身材

畀 Mandy Lieu 出招打殘，松岡繼續話知你，風騷曬水著玩倒立，曬身材又曬秘技，身材惹火的松岡，嚟一招胸壓池邊玻璃，睇到大家熱血沸騰，即使同一班姊妹游水，松岡亦毫不吝嗇大曬湯碗胸！至於同是Model出身，Mandy唔似松岡鍾意做高難度動作演嘢，隨便一件小背心，已經夠煞！而喺臨生第一胎前，Mandy就試過po出泳衣露背相，力證自己得天獨厚！

生咗兩個女嘅洗米嫂不時曬完美Body，仲好有睇頭!

松岡無影

至於之前，有指八月同樣會飛英國出席時裝騷的松岡李那，就忽然no show，不過，她依然扮風騷喺lG大曬喺日本銀座逍遙嘆世界食好西的照片，攻華撻Q的她，亦唔放過機會不斷狂曬噴血水著，更加出埋秘技，一時玩倒立，一是做拱橋吸睛，不過明顯勝負已定！

文章來源: https://www.twgreatdaily.com/cat99/node1614982

轉載請註明來源：今天頭條