現年41歲的黃宇詩，最初曾挾黃霑女兒之名入無線，而且日子不短。

曾於九龍聖德肋撒英文學校就讀的黃宇詩，13歲隨母華娃移居加國，00年回流香港，由汪明荃引薦到大陸拍攝劇集《鏡花緣傳奇》，套劇等足4年先至喺亞視播出，所以甫出道的她，有一陣「亞視除」。

01年，黃宇詩拍完電影《等候董建華發落》演母親角色，之後又苦無機會，當時佢就諗起父親認識無線監製陳家倫，更主動相約，希望對方介紹佢入大台，陳家倫就將佢介紹俾藝員部陳灌明，自此便加入TVB，可惜一直都系做配角。

黃宇詩有份參演嘅劇集，好似系劇集《再生緣》已較為人熟悉，其餘時間主力都系主持工作，包括頒獎禮同《都市閒情》。

未嫁的黃宇詩，主持了《都市閒情》8年，又做過《全線大搜查》，但唔系筍job，亦冇可能爆騷，因為一個禮拜開得一兩日工，一個月賺多幾千蚊。黃宇詩曾表示，不是沒有試過拍監製門，但冇用。

近年專心搞內衣生意，雖然已淡出娛圈，不過佢地感情生活仍然受唔少關注，事關佢同測量公司董事男友彭慶余（Peter）拍拖多年，不過被指系小三嘅報道不絕於耳。

2011年，黃宇詩被影到與有兩女一子的測量公司董事兼人夫Peter拍拖買餸玩煮飯仔，隨即被懷疑係第三者，當時黃宇詩仲公開表示會同Peter斷絕來往，避免有誤會。

之後黃宇詩一度向外宣稱要同Peter斷絕關係，不想拆散人家，明顯是想擺脫小三之名，不過都是說說而已，實情是黃宇詩早就知Peter有老婆孩子，但也甘願做小三，還說自己可以慢慢等。

話說男方和黃宇詩開車出去兜風，還是用的前妻名登記的車。

不過在大前年，黃宇詩再被拍到同Peter拍拖睇戲，當時女方才公開關係。

時間令人淡忘，大家對黃宇詩這段情開始遺忘之際，近數月再被炒熱，有報道指黃宇詩由第三者變正印，而黃宇詩亦澄清佢哋系喺Peter離婚之後，先至正式開始發展。

近日，大台播出嘅《關你家事》入面，Peter前妻Cady（當時稱陳小姐，另英文名原叫Molly）仲做埋嘉賓，唔開名力指前夫嘅女友系「小三」，矛頭直指黃宇詩。

Cady在節目中講到聲淚俱下咁，話發現老公有第三者後嘗試去溝通，仲話最擔心婚變會影響到自己三個仔女。佢仲坦言有諗過報復，只系最後冇做到。

節目中，Cady一聽到大女原來最想父母可以平心靜氣坐低傾，唔好一見面就嗌交，同埋叫Cady幾勞氣都唔好講啲傷害小朋友嘅說話，Cady聽到眼濕濕，仲佢就流住兩行眼淚咁望住鏡頭向個女道歉。

不過叫人想不到的是，黃宇詩的爸爸黃霑，當年因為同林燕妮搞婚外情，惹怒到媽媽華娃要離婚，就是在這樣背景之下出世的黃宇詩，不但沒有怨恨小三，反而加入小三行列，同人夫Peter走到一起。

黃宇詩透過短訊回覆媒體，她說：「對唔住，之前要講都講曬，無嘢再講﹗」，對Cady所講一切，不作任何解釋。

轉載請註明來源：今天頭條