嚟到6月份，又系時候同大家總結一下，今年上半年TVB播出嘅劇集入面，表演最差嘅男女主角。

「最差」女主角

第五位：《與諜同謀》李佳芯

《與諜同謀》中李佳芯嘅演技就受到唔少觀眾質疑。

話佢無咩表情，演技又差，唔明佢點做女一。

不過都有好多人認為佢演技雖然唔算好好，但亦都唔算太差，有進步空間。

第四位：《乘勝狙擊》傅嘉莉

傅嘉莉喺《乘勝狙擊》中幾乎集集著短裙騷長腿玩長發。

雖然佢外表好吸引，但部分觀眾就覺得佢唔多識做戲，劇中好似成日自己同自己講野咁。

不過有觀眾認為佢始終系新人，要啲時間去磨練下。

第三位：《財神駕到》傅嘉莉

又系傅嘉莉，觀眾覺得佢喺《財神駕到》演技動作對白生硬，唔識做戲又成日發獃。

再加上傅嘉莉私人生活經常俾人討論，因此觀眾覺得佢形象又差，唔系好適合做呢個角色。

第二位：《味想天開》蔡思貝

最差女主角點少得蔡思貝呢？

佢由出道到而家成日都俾觀眾話佢把聲太嘈又無演技。

仲被觀眾笑佢「高分貝」。

喺《味想天開》中，佢永遠只得個幾個表情。

第一位：《我瞞結婚了》黃翠如

黃翠如剛加入TVB時主要拍攝旅遊節目。

由於佢形象非常貼地又搞笑，因此深得觀眾愛戴。

TVB有見及此亦馬上捧佢做女一，差唔多每套佢有份演嘅劇集都系做女主角。

好可惜唔少觀眾對佢嘅演技劣評如潮。

認為佢完全唔識做戲、永遠只得一個表情，令佢成功登上最差女主角第一位。

「最差」男主角

第五位：《味想天開》黃子恆

黃子恆喺TVB一直都浮浮沉沉，經常都做一啲唔起眼嘅角色。

但喺《味想天開》中有機會成為「男二」，仲要占好重戲份。

TVB擺明俾機會佢上位啦。

好可惜觀眾認為黃子恆做戲太Chok、咬字不清，演技有待改進。

第四位：《流氓皇帝》馬國明

馬國明又慘做炮灰。

觀眾批評馬國明喺《流氓皇帝》中個乞丐造型完全唔掂。

對鞋太新凈，皺紋唔明顯，皮膚望落去仲好光滑，完全系hea住扮乞丐。

有觀眾話故事內容相當難頂，更覺得男女主角都做得好差。

第三位：《與諜同謀》鄭俊弘

TVB無端端硬捧鄭俊弘做《與諜同謀》男主角。

仲要搞到羅嘉良淪為配角襯托佢咁。

一班觀眾認為鄭俊弘演技系唔多掂、唱歌好過做戲。

甚至有觀眾形容佢嘅演技系虐待緊觀眾。

第二位：《我瞞結婚了》洪永城

《我瞞結婚了》系由熒幕情侶洪永城同黃翠如主演。

本來諗住佢哋可增加話題性，點知收視率卻強差人意。

一班觀眾都覺得洪永城劇中無演技，唔明佢點可以做到男一。

亦有觀眾覺得佢做旅遊節目主持做得唔錯，但系拍戲真系好一般。

第一位：《味想天開》洪永城

洪永城真系好犀利，竟然可以包辦曬頭兩位。

喺《味想天開》中飾演擁有金舌頭嘅鄉下仔，仲同蔡思貝做拍檔。

呢個組合一聽就知出事。

佢系劇中仲要扮黐脷筋，搞到班觀眾聽得勁辛苦。

有觀眾認為洪永城想走王祖藍嘅路線，但唔覺得佢搞笑之餘仲覺得佢好煩。

轉載請註明來源：今天頭條