3個月試用,每小時$40,3個月之後月薪$8,800,加過2次,$200同$500,前年轉間大行(單眼)$12000

最特別既case應該係做神秘顧客,個客人係想收購燒賣批發廠,所以請左我地幫佢查下D機械GE型號,損毀度及生產能力....

當時我老細同我去,仲租左部名車,扮哂想收購人地公司,點知見個廠長果時,我老細慣性令左自己公司卡片比佢

其實工作日常係點？

會去目標屋企或佢會去GE醫院等目標出街一路影直至佢回家(8成時間做呢樣)

搵貓貓狗狗就得意D會四維去貼下街照

而我最鍾意做神秘顧客,可以去試唔同GE野,不過要把期間的對話打出黎,呢個就最辛苦

~~~~~~~~~~~~~~~~~~~~~~~~~~~~~~~~~~

點入行 要咩學歷?

中五學歷應該就得,我見好多都請緊人,但預左人工低

~~~~~~~~~~~~~~~~~~~~~~~~~~~~~~~~

需要角色扮演？

但其實任何時間都扮演緊,等緊目標時扮緊街坊,跟緊目標時扮客人

~~~~~~~~~~~~~~~~~~~~~~~~~~~~~~~~~

係唔係成日匿埋去跟縱目標？

點令目標唔會覺比人跟縱？

通常D身有屎GE會好有警戒心,匿埋佢地仲會留意你

如果光明正大佢地反而唔會留意你咁多,同埋要識走位,人多時你可以近D佢,冇人你要遠離佢,如果佢前面有反光GE野,你可以超越佢透過反射觀察佢

~~~~~~~~~~~~~~~~~~~~~~~~~~~~~~~~~~~~~~

C +偵探可以幫人"起底"嗎？

包括check 埋佢有無桃色事件，工作上有無犯法行為 ，check 埋日常生活時間表

當然可以啦,捉姦,子女行蹤都係私家偵探GE工作

~~~~~~~~~~~~~~~~~~~~~~~~~~~~~~~~~~~~~~~~

通常接單job 公司可以賺幾錢？

3~4年前個價

工傷$12,000,加車馬費,(如果目標去食飯,睇戲你可以一齊個客會比返錢)

神秘顧客$3000(仲有約$500買野或服務費,但買左野要比返個客)

尋人就好似$8000

子女行蹤都係$12,000

~~~~~~~~~~~~~~~~~~~~~~~~~~~~~~~~~~~~~~~~~

其實我覺得做私家偵探真系好把炮, 話說16年前, 我前妻呃我話同個女去加拿大旅行, 當時個女系三歲, 點知到應該回港果日, 我去接機, 等極都吾見人, 問前外母又話吾知個女去左邊(呃鬼咩), 終於我在苦無計策之下, 唯有搵你D行家幫手, 我只系比左前外母屋企電話號碼個私家偵探, 佢就可以鉤到有咩電話打過去前外母屋企, 其中有個出現多次的加拿大住宅電話號碼, 然後利用加拿大果邊電話號碼查埋果邊地址, 真系勁, 當時都要比$16000, 但都值得.

轉載請註明來源：今天頭條