最近因為電影同囚好多人係度講勞教中心，見到有d巴打都有問女仔個邊係點，所以開個post比大家了解下

其實我地女仔呢邊同男仔個邊一樣，都係行悔辱式，一樣有芥蘭雞翼，不過就唔係個個都要受

我地無勞教中心，但唔代表我地無佢地個套，我地係入面叫做入宮，姐係代遇更淒慘，好似沙咀錦，入得宮既多數係體能比較好，比警察飛朵同表現唔好，不過體能訓練方面就真係比男仔無錦辛苦，不過都好巴

我入過宮一次，真係好似落地獄錦....

同埋班扭記其實怕女多過仔，因為d女成日發癲跳制，自殺率又高，有時又要生仔，黎m個時又特別麻煩，講起黎m，我地一個月只有10塊m巾，計返一次大概黎5日，每次每日得2塊可以用，個感覺大概係你瀨尿但唔比你換褲，嗡足一日，試過有同學舉手同madam申請要多d，結果madam下個月派都無派比佢，叫佢自己諗辦法，結果個同學索性唔理，周圍坐搞到周圍都係血，最後比madam打餐懵仲入埋醫院，出黎仲要佢每日自己跑夠20個圈，個同學跑到m到無黎

仲有Madam虐待你有幾種方法，悔辱性說話一定有，呢個唔講，之後就係用警棍，其實我都唔知係咪叫警棍，總之係武器，之後就到赤手空拳，多數入宮就要受，d madam都唔係流，全部好揪得，聽講佢地同呀sir上一樣既training，所以好fit，到最後係懵仔針，女仔情緒比較波動又易失控，所以成日被打懵仔針

聽人講好似話有幾個人一齊逃獄，比職員發現，之後個幾個人攞m巾塞佢個口，搞到死左

有時夜晚會聽到有人啪倉門，有人喊，d燈又閃，又覺得個窗附近有野錦

見過最變態係有個mo比人逼佢食廚餘，佢仲係錦話好味，聽返同學講係加左料，加左咩就無人知，淨係返倉時聽到人講"錦佢都食唔出"，另外就係見過有人玩屎同扯自己d頭髮扯到流曬血

同埋有個故事我都唔真的假，有個好瘦既女仔有左，一直無話比人知，到生個日，佢去左廁所好耐， d人去到發現個b已經死左，個女仔就準備度頸，之前個女仔就過界去左小欖，無返過黎，後來有人話佢係被逼害，因為佢好似係衰賣淫，日日比人鬧淫婦，又話佢做雞又話佢無男人西痕又話佢狐狸精小三命，但個女仔過左界之後有個職員話佢同2個妹大陸落黎，無人無物又無錢先搞到錦，原本係上面有個就結婚既男朋友，落到黎知佢做呢d都嫌佢污糟，個職員都眼泛淚光叫我地潔身自愛，反而d同學就只係講左句"做女人係錦架啦"

女仔當然都會撩事鬥非，女仔其實係無團結呢2個字，大家都疑心重，男仔都可能互相撐下，一齊捱完就算，女仔就真係屈係心記一世，無時無刻諗點樣整你，試過有人搶m巾搶唔到，就同你隻揪攬住一齊加監，明明比人搶果個係受害者，但一樣照加，比人恰完，情緒唔好喊下嗌下又要打針

轉載請註明來源：今天頭條