講起就忟，呢次真係要寫篇文講下！究竟我得罪左麥當勞乜野？點解今次唔聲唔聲取消左三大受歡迎既包？咁我地以後食乜野？事源琴日有網民喺討論區度講起，話麥當勞已經停售至尊漢堡、足三両同板燒雞腿包三款包，件事即刻引起好大回響，小編都走去麥當勞求證一下.....點知店員話比我知已經唔會再賣！！
據我所知至尊漢堡係基本包啦，有一定捧場客，所以銷量有一定水平；足三両就啱啲好牛肉既人，當年由午夜時段先供應，去到double足三両，再加入常規餐真係一個好艱巨既過程；板燒雞腿包既汁就甜甜地，勝在有菜唔會濟，所以唔少女仔偏好呢個包。明明呢三個包都有各自既粉絲，點解麥當勞會突然取消佢地呢？
喺中信收購麥當勞之後，麥當勞話當時錯判三四線城市潛力，令到內地發展落後肯德基。所以收購左之後唔會喺香港開店，而係走高檔路線、提升客流量、出新貴包增加利潤。今次麥當勞咁急取消曬啲包都應該係中資公司既意思，佢地想改左麥當勞原有既紅色、親民形象，變成服務中產既黑白型格風。喺取消嗰三款包後，麥當勞會賣「My Signature Collection」自選漢堡（如芝士蘑菇安格斯牛肉漢堡等）。負責人話香港麥當勞現時顧客平均單價約30蚊，推出標價45蚊既自選漢堡，將對有助提升收入。
香港麥當勞即將變革，分店會陸續加入新元素，除了在裝潢上作出改動，以黑、白、黃為主色調外，亦會新增餐飲和其他顧客服務。
麥當勞由3月9日起，將於全線推出新系列The Signature Collection；此系列其實曾於2016年在部份分店試賣，反應不錯，現在正式推出並列為長期供應食品，食材也調整了一點，率先睇睇各款配搭！
3款漢堡的主角分別為「特厚100%安格斯牛肉」、「香烤原塊雞腿」、「秘製Buttermilk炸雞」，配搭不同種類的麵包，包括Bagel、法式甜包、意式軟包。
自選My Signature系列可以自由組合以上各款食材；全個系列，包括漢堡包包裝紙和薯條盒都換上新包裝，價錢40元起。
至於舊有的板燒雞腿包，至尊漢堡及足三両則下架。
轉載請註明來源：今天頭條