男朋友做緊保安, 番5日半 , 每個月搵得4萬3千蚊 , 佢話番工hea下hea下同人吹下水就一日 ,

而且佢屋企人捱得住 , 所以佢只係俾一萬蚊家用 , 生活都幾無憂 , 但我覺得佢真係好冇大志, 竟然諗住做保安仔做過世…

琴晚我忍唔住問佢: " 你轉工未呀? 都做左兩年喇喎, 人工又冇加 , 不如轉工啦 "

佢(打機) : " 做得好地地做乜轉工? 我又唔係等錢洗."

我:"你緊係唔等錢洗啦 , 我地等錢洗呀嘛"

佢(呆): 「下? "

我:" 你都要諗我地將來架 , 我就快25歲喇…"

佢(無反應,掛住打機):"哦…."

我真係忍唔住,見到佢咁既態度真係好嬲: 「你呀!!成日都得過且過咁 , 成30歲人喇 ,都剩係做教師仔, 我之前都諗住同你結婚 , 但而家覺得同你一齊好似哂緊時間!!"

佢終於禁左stop制 :" 乜你既時間係用錢黎衡量架? 我地之前咪講好話結左婚之後買私樓 , 賺咁多錢咪排唔到囉…"

我: " 而家唔係住邊既問題 , 係你賺得果4萬3千蚊. 可以用得去邊姐? 食餐好d都唔得"

佢(開玩笑): " 你想食咩 , 我而家帶你食."

我:" 你上個月咪又係咁講, 咪又係冇左件事. 算啦我地"

佢(仲係笑笑口咁):"無啦啦你發咩癲姐 , 你想食咩, 而家行.."

佢根本冇心聽我講, 無啦啦又扯開話題, 完全無諗過自己前途 , 我最尾只係拋左句:" 你自己慢慢食, 我受夠." 之後就走左….

講完之後我覺得自己成個人鬆哂 , 終於唔洗再俾d fd串我男朋友做保安, 又唔洗俾阿媽囉囉嗦嗦…..

文章來源: https://www.twgreatdaily.com/cat99/node1509019

轉載請註明來源：今天頭條