近年TVB劇集出產唔少賤男角色，搞到好多觀眾一邊睇一邊鬧，即刻同大家逐個數！

1. 黎諾懿 《不懂撒嬌的女人》

播緊嘅《不懂撒嬌的女人》黎諾懿飾演嘅「賤Han」，性格鹹濕、賤格、又成日拈花惹草，嫌棄唐詩詠系高齡產婦等等。

之後仲大耍手段，帶埋新女友白雲返去同唐詩詠一齊供嘅樓度住，逼唐詩詠一系賣樓，一系俾返首期、供樓錢同差價俾佢。

好多觀眾睇到咬牙切齒，好想醒佢幾巴。

不過黎諾懿又真系演活角色，完全將個賤格樣做曬出嚟嘅。

2. 黃宗澤 《幕後玩家》

黃宗澤喺劇中飾演秦升海，真系奸到出汗，佢可以為錢咩都唔要。

佢搭上「最強小三」劉佩玥之後，拋妻棄女，搞到「大婆」龔嘉欣爆喊。

之後又「勾義嫂」，搶咗好兄弟個老婆成雙(黃翠如飾)，睇到觀眾眼火爆。

3. 吳岱融 《巨輪II》&《乘勝狙擊》

吳岱融無論系喺《巨輪II》還是《乘勝狙擊》都系做大奸大惡嘅角色，佢嘅演出都令觀眾拍案叫絕。

《巨輪II》中鷲哥一角深入民心，當中狂鬧李佳芯、企圖老強養女陳凱琳、打老婆梁琤，真系演飾到入型入格、超乞人憎。

而系《乘勝狙擊》中嘅蔣天龍繼續大爆金句，又狂鬧呂珊「八婆」等。

4. 曾航生 《迷》

劇中曾航生系一名賤格「軟飯王」老公，成日問老婆田蕊妮攞錢搞生意。

由「紅酒」、「雪茄」、「靈芝」，以至「普洱茶葉」，次次都失敗，仲要阿田每月幫手還卡數。

好多觀眾直指曾航生做得入型入格。

5. 趙永洪 《巨輪II》

《巨輪II》入面嘅姚浩天真系衰到貼地，除咗出去叫雞之外，羅威信好心請佢做員工，點知佢監守自盜並暗中收受回佣。

之後仲利用老婆幫自己做壞事，最後仲幫高天鷲去偷取羅威信嘅地皮。

難怪佢出街俾人指住鬧正衰仔！

6. 陳山聰 《乘勝追擊》

《乘勝追擊》中嘅三角戀真系睇到好多女人好嬲。

陳山聰為咗完成任務，而去接近賭王個女傅嘉莉，之後又搭上咗莊思敏。

一邊同傅嘉莉講好愛佢，但心裡就諗住莊思敏。

轉載請註明來源：今天頭條