諗返起一年前，女朋友同我講不如搬出黎一齊住，我真係開心到彈起，心諗土地問題都俾我解決，以後diu野無難度啦，原來，理想同現實係兩回事...

真心唔明啲女人係咪識變魔術，一個衣櫃得果幾呎地方，點解可以擺幾百件衫？本來你有你擺，霸埋我啲位都算，最慘係要我幫佢摺衫，我連自己啲衫都唔L摺啦，我心諗：鬼叫我今晚要diu你咩，摺咪摺囉。不過你地啲女人著衫咪著衫囉，襯乜L野衫？試到全間房都係衫又要我摺返好曬，你以為我做Uniqlo架？咁鍾意摺衫搵個做sales嘅男朋友幫你摺飽佢囉！

個鞋櫃先至極品，塞滿咗百幾對鞋，而家叫你上歡樂滿東華籌款表演咩？成日同我講：「女人係咁架啦，你無睇杜如風咩？」杜如風屋企幾多呎，你屋企幾多呎？你同人比，你有無人地咁有錢先，唔識照鏡都返去望下你老豆係邊個先啦！

都仲未計洗衫、拖地、洗廁所，搵佢做家務仲難過追朋友還錢，有次叫佢做，佢就話：「你做啦，最多今晚...」聽完呢句我仲唔狗衝去洗到個廁所立立令？上到床你竟然話：「好啦，最多今晚...攬住你瞓」，真係難聽過粗口。

同居後真係diu野無難度？少年，你太年輕了，開頭果一個月就係嘅，過咗一個月，佢就成日都話姨媽到無心情，你老味，個個星期都姨媽到，你姨媽賴死唔走架？俾個房你姨媽喺度長住好唔好？最慘係佢次次都拒絕我，搞到我而家有心理障礙，抬唔起頭做人！

文章來源: https://www.twgreatdaily.com/cat99/node1494250

轉載請註明來源：今天頭條