今日係荼餐廳叫左個咁既蒜蓉汁雜扒飯，個伙記叫我去廁所食自己

GreatDaily

是咁的，今日打電話落茶記嗌外賣，咁都係炒粉麵飯嗰啲啦，躊躇間見到有「雜扒飯」，滿足曬樣樣貪心嘅我於是試試，結果帶來了非一般的衝擊……

咁由落單講起啦，侍應話有黑椒同燒汁。你知啦黑椒汁有啲好辣，燒汁又太頹，咁咪多口問下有冇其他選擇囉。

我：「唔該我想問下有冇蒜蓉汁？」

侍應：「蒜蓉汁？有......有有有！」

我：「好呀，咁我要蒜蓉汁啦唔該。」

話咁快，外賣蒜蓉汁雜扒飯送到。我打開飯盒，全盒飯共有一塊上等柳梅豬扒、一條美國廚師牌高級雞肉腸、一隻獨孤浪蕩的雞中翼、一塊薄過薄熙來嘅火腿，簡直係人類高級食糧。雜就夠雜喇，其實成盒飯只係得雞肉同豬肉啫，不過啲扒呢？廚師腸係廚師扒？雞中翼係扒？我屌你咩。我望住孤伶伶嘅「雜扒」，惜肉如金，把廚師腸慢嚥細嚼、將雞翼留在舌齒之間，把玩得骨披肉糜，用幻想安撫自己這盒50元的雜扒飯點得物有所值。

GreatDaily

我夾起了火腿，紫醉金迷的燈光把它折射穿，我在透光的火腿中細想人生、思量未來，點解人類要工作？點解我要用50蚊食狗飯？點解火腿片都算扒呢？我不知道，也許食客要嚐的，正是廚師的刀功，畢竟薄如紙是很考功夫，下刀不得有誤，相信這是價值不菲的原因。

欣賞完一眾肉扒後，再望望蒜蓉汁，我屌！唔係話燒汁上面加一堆炸蒜就叫蒜蓉汁咖師傅！根本就係將汁同蒜蓉放埋一齊(圖為實拍照)，師傅，溝埋一齊唔會真係做到瀨尿牛丸，唔夾就係唔夾咖，勉強無幸福。我覺得我人生好迷茫，我唔知原來咁樣都算蒜蓉汁，咁黑椒汁加兩舊蕃茄會唔會係蕃茄汁？凍檸水加兩條臭芫茜又算唔算臭茜水？

GreatDaily

一盒飯，衝擊咗我做人嘅價值觀，我漸漸已經唔知咩係對、咩係錯。我就好似港豬，送到黎就廢事投訴，飯來咪張口囉，一啖燒汁一啖炸蒜，我開始懷疑社會的是非黑白、恩怨情愁，不用分那麼細，反正樹根也本土、鄺生亦稱神。忍得先係香港人、捱得先叫香港精神、含得先係真民主。

食到一半徐徐回想起落單時，我話：「我要蒜蓉汁啦唔該」，記得之後侍應仲問咗句：「我地仲有栗米汁喎，啱唔啱？」

真係執返身彩!!!!!!!!!!!!!!!!!

轉載請註明來源：今天頭條