TVB新劇《不懂撒嬌的女人》將會喺5月1日晚上9:30正式首播。

呢次仲搵返TVB「預用人質」宣萱出山拍劇，又有好老公林文龍，男女主角嘅選角已經相當唔錯。

加上劇集系首部全實景拍攝，全部演員都要離開TVB廠境，到上海及台南拍攝。

新劇風格有啲似由陳展鵬及林夏薇主演嘅《單戀雙城》，當時喺馬來西亞嘅檳城拍攝，風景怡人，而且同樣系愛情輕喜劇，收視仲唔錯。

《不懂撒嬌的女人》預告片

新劇未播映，預告已經率先為大家帶嚟驚喜。

因為劇集要宣揚女人唔可以太強勢，要懂得撒嬌材先可以留住男人，所以搵嚟好多女演員參演。

宣萱都指：「如果男人凈系睇撒不撒嬌，當然就唔系太好，但系都同意香港女仔需要多一點溫柔～」

另外，預告中仲有高海寧著三點式出水芙蓉添。

而另一女演員背面仲有半裸鏡頭～

齋系一個預告已經咁吸引，未知「港女」高海寧同唐詩詠，喺劇中會有咩衝擊呢？

呢套劇唔單止有女神高Ling，以及最好女朋友唐詩詠坐陣。

更加有「渠頭」王浩信及「神之馬壯」黎諾懿。

睇嚟男演員應該艷福無邊——

因為睇住女演員爭相向自己撒嬌喎，仲唔正到痹！

轉載請註明來源：今天頭條