小弟37歲, 2002年大學畢業

2009年：我儲到60幾萬首期想買樓結婚, 睇咁左淘大一個170萬 的單位, 家人反對, 話自己住生活費貴,好像比水電煤費,又冇湯飲, 又要比管理費, 又怕供樓負擔重, 住公屋仲好, 千幾蚊租, 又免差餉地租管理費

2011年：我睇中左沙田富豪花園, 300萬 , 家人反對, 話樓價升左咁多, 會跌, 等下啦

又話曾特首會出打擊樓市措拖, 樓好快跌

2016年：我睇中沙田銀禧花園, 470萬2房單位, 女友催婚, 家人反對買樓, 話樓由2009-2016升足7年

就跌, 等下啦! 美國就加息, 而家經濟又差, 少人買樓, 氣氛差, 一買就跌

2017年：呢幾日我再提買樓, 女友都36歲了, 想生B, 家人話間房比我, 女友反對, 冷戰中, 話我冇出色

話我點解要咁聽家人話, 她身邊朋友都老公個個買曬樓, 自己27歲同我一齊, 36歲都未結婚........

家人反對買樓, 話人唔一定要有樓, 同家人住, 安安穩穩唔好嗎? 點解要一個月比8千元利息銀行, 再幫地產打工? 屋企有咩唔好, 同家人住使費少好多, 可以省好多錢......

what should I do now?!!!

買樓: 太貴, 家人堅決反對, 覺得由170萬(淘大)到而家600幾萬先有2房, 虧左最少420萬, 林鄭上台, 可能有打擊樓市措拖, 叫我等.... 又叫住公屋可以唔使比.. 差餉+地租+管理費+銀行利息, 每個月省1萬

唔買: 女方家人期望我有樓, 話一個中學主任, 做左15年老師, 5萬幾元人工點會買唔起樓, 個女跟足你9年,你要負責任

——————

網友：

——成年人應該對自己做既決定負責，唔好一直如果如果，你女朋友選擇跟你咁耐，就唔應該呢個moment 響度complain 你聽家人話，佢一早知你既性格係咁，可以選擇分手。選擇跟你一齊，就共同面對未來，人生唔係只係為左樓而生活既，無買樓就唔可以結婚呢種思想唔應該再禍害香港人了。

——就算你冇買樓， 儲10年錢 又同家人住， 點都儲到4、5百萬， e家唔可以去買咩？我表妹同你一様職位，細你幾年，一個人都買了 GY 6百幾萬啦。

——我同你一樣係中學主任, 上年我打算買多一層, 我屋企人一樣表示樓價會大跌. 我無理佢地, 買樓當晚同屋企人食完飯, 提都無提到我即將睇樓兼買樓. 層樓到依家已升咗近兩成. 好心你拎啲做中學主任嘅素質出嚟為你伴侶同自己打算下啦.

文章來源: https://www.twgreatdaily.com/cat99/node1466822

轉載請註明來源：今天頭條