有馬國明、蔡思貝、楊明、敖嘉年等主演的TVB新劇《心理追兇Mind Hunter》昨晚播出第一集。

TVB筍盤馬國明（馬明）年前憑劇集《On Call 36小時》嘅深情醫生角色「一件頭」深得網友歡心，但之後佢就轉咗多數拍喜劇好似《流氓皇帝》、《為食神探》咁，等咗咁耐，馬明終於再做專業人士！

馬明飾演嘅心理醫生鍾意用非常手段，可以話系非一般心理醫生，第一集馬明要醫治患有輕度自閉（阿斯伯格綜合症）嘅楊明，就逼佢倒垃圾，令佢學識體諒人。

而馬明認識楊明細妹蔡思貝一Part亦夠曬特別，社工思貝在便利店被飛女「賊贓嫁禍」，令思貝被屈偷唇膏，馬明挺身而出幫思貝，不過佢唔系目擊思貝被屈，反而從心理角度出發，話佢打扮樸素冇咩化妝又著牛仔褲，絕對唔會偷顏色咁鮮艷嘅唇膏，難得便利店店員就咁就放過思貝。

另外，《心》劇第一集亮點之一系老戲骨湯鎮業都有出場，脾氣暴躁，未知會唔會好似之前吳岱融咁彈出呢！

轉載請註明來源：今天頭條